08.08.2026 | 15:38
Ողջույն Հայաստան. NVIDIA-ի հիմնադիր Ջենսեն Հուանգը շնորհավորել է Firebird-ի ԱԲ գործարանի բացման առիթով
ԱԱԾ-ն տվյալներ է ստացել ՀՀ պետական սահմանի ապօրինի հատման հավանական փորձի վերաբերյալ
Հասարակություն
12.12.2024 | 18:41
ՀՀ ԱԱԾ-ում տվյալներ են ստացվել դեկտեմբերի 11-ին՝ ժամը 03:20-ի սահմաններում, Հայաստանի Հանրապետության և Թուրքիայի Հանրապետության պետական սահմանի Արարատի մարզի Ռանչպար բնակավայրի հատվածում ՀՀ պետական սահմանի ապօրինի հատման հավանական փորձի վերաբերյալ, որի ստուգման կապակցությամբ ներկայումս իրականացվում են անհրաժեշտ օպերատիվ-հետախուզական միջոցառումներ: Այս մասին տեղեկացնում են ԱԱԾ-ից։
Ավելի վաղ տեղեկացրել էինք, որ Արարատի մարզում՝ հայ թուրքական սահմանին ռուս սահմանապահները երեկ հայտնաբերել են, որ մի փոքր հատվածում փշալարը վնասված է։ Վնասված հատվածը գտնվում է Ռանչպար բնակավայրի տարածքից որոշ հեռավորության վրա՝ դաշտամիջյան հատվածում։ Սահմանապահները վնասված հատվածի մոտ նկատել են թույլ երևացող ոտնահետքեր․ այս տեղեկությունը Factor TV-ի հետ զրույցում հայտնել էր Ռանչպարի վարչական ղեկավար Վահան Վարդանյանը։
