30.04.2026 | 20:48
Մեր ազգն այժմ պետք է կենտրոնանա ներկայի և ապագայի վրա, այլ ոչ թե մնա անցյալում. Արարատ Միրզոյանի հարցազրույցը France 24-ին
ՌԴ Պետդուման օրենք է ընդունել, որն արգելում է միգրանտների երեխաներին դպրոց ընդունել՝ առանց ռուսերենի իմացության
Քաղաքականություն
11.12.2024 | 17:27
ՌԴ Պետդուման երրորդ և վերջին ընթերցմամբ օրենք է ընդունել, որն արգելում է միգրանտների երեխաներին առանց ռուսերենի իմացության դպրոց ընդունել։ Այս մասին Telegram-ի իր ալիքում հայտնել է Պետդումայի խոսնակ Վյաչեսլավ Վոլոդինը, գրում է Current time-ը։
Օրենքին կողմ է քվեարկել 409 պատգամավոր, 1-ը դեմ է եղել։ Նրա անունը չի նշվում։
Փաստաթղթի համաձայն՝ լեզվի իմացությունը որոշելու համար թեստավորումը կլինի անվճար։ Վոլոդինը նշել է, որ բացի ռուսերենի իմացությունից՝ դպրոց ընդունվելիս ստուգվելու է նաև Ռուսաստանում երեխայի գտնվելու օրինականությունը։
Պետդումայի մամուլի ծառայությունն ավելի վաղ ներկայացրել էր ընտրովի մոնիթորինգի արդյունքները, ըստ որոնց՝ ուսումնական տարվա սկզբին միգրանտ երեխաների 41 տոկոսը դժվարություններ է ունեցել ռուսաց լեզվի իմացության հետ։
Օրենքը պետք է ուժի մեջ մտնի 2025 թվականի ապրիլի 1-ից։
Թարգմանությունը՝ Էմմա Չոբանյանի
