16.12.2025 | 10:46
Արմեն Գրիգորյանը Լոնդոն կմեկնի․ երկկողմ հանդիպում է նախատեսված
Պեսկովը հայտարարել է, թե Ասադն անձամբ է որոշում կայացրել հեռանալ պաշտոնից
Քաղաքականություն
10.12.2024 | 15:44
Սիրիայի նախկին նախագահ Բաշար Ասադն անձամբ է որոշել հեռանալ պաշտոնից։ ՏԱՍՍ-ի փոխանցմամբ՝ այս մասին լրագրողների հետ զրույցում հայտարարել է ՌԴ նախագահի մամուլի խոսնակ Դմիտրի Պեսկովը՝ պատասխանելով հարցին, թե ի՞նչ դեր է խաղացել ՌԴ-ն Ասադի Մոսկվա տեղափոխվելու հարցում և արդյո՞ք մասնակցել է նրա հեռանալուն։
«Պետության ղեկավարի պարտականությունների կատարման գործընթացից հեռանալը Ասադի անձնական որոշումն էր։ Մնացածը՝ առանց մեկնաբանությունների»,- ասել է Պեսկովը։
Ավելի վաղ Կրեմլի աղբյուրը հայտնել էր, որ Ասադն ու նրա ընտանիքի անդամները ժամանել են Մոսկվա։ Ռուսաստանը, հումանիտար նկատառումներից ելնելով, նրանց ապաստան է տրամադրել։ Ավելի ուշ այս լուրերը հաստատվեցին նաև պաշտոնապես։
Նախօրեին Պեսկովը հայտարարել էր նաև, որ Սիրիայի նախկին նախագահ Բաշար Ասադին և նրա ընտանիքին քաղաքական ապաստան տրամադրելու որոշումը կայացրել է ՌԴ նախագահ Վլադիմիր Պուտինը։
Թարգմանությունը՝ Էմմա Չոբանյանի
