13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Ասադին և նրա ընտանիքին ապաստան տրամադրելու որոշումը կայացրել է Պուտինը․ Պեսկով
09.12.2024 | 15:08
Սիրիայի նախկին նախագահ Բաշար Ասադին և նրա ընտանիքին քաղաքական ապաստան տրամադրելու որոշումը կայացրել է ՌԴ նախագահ Վլադիմիր Պուտինը։ Այս մասին լրագրողներին հայտնել է Կրեմլի խոսնակ Դմիտրի Պեսկովը, գրում է ՏԱՍՍ-ը։
«Իհարկե, առանց պետության ղեկավարի նման որոշումներ չեն կարող կայացվել»,- ասել է Պեսկովը՝ որևէ մանրամասն չհայտնելով Ասադի գտնվելու վայրի մասին։
Նա նաև հավելել է, որ ՌԴ նախագահի աշխատանքային ժամանակացույցում Բաշար Ասադի հետ հանդիպում չկա։
Ավելի վաղ ռուսական լրատվամիջոցները հայտնել էին, որ Սիրիայի նախկին նախագահն ու նրա ընտանիքի անդամները ժամանել են Մոսկվա։ ՌԴ-ն նրանց ապաստան է տրամադրել։
Թարգմանությունը՝ Էմմա Չոբանյանի
