14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
ՌԴ-ն ապաստան է տրամադրել Ասադին․ նա ընտանիքի հետ Մոսկվայում է
Քաղաքականություն
09.12.2024 | 10:52
Սիրիայի նախկին նախագահ Բաշար ալ-Ասադը և նրա ընտանիքի անդամները ժամանել են Մոսկվա։Այս մասին ՏԱՍՍ-ին հայտնել է Կրեմլի աղբյուրը։ Նրա խոսքով՝ Ռուսաստանը նրանց ապաստան է տրամադրել, գրում է Meduza-ն։
«Ինտերֆաքս»-ի տեղեկություններով՝ ռուսական իշխանությունները ապաստան են տրամադրել Ասադին և նրա ընտանիքին՝ «ելնելով մարդասիրական նկատառումներից»։
«Ռուս պաշտոնյաները կապի մեջ են սիրիական զինված ընդդիմության առաջնորդների հետ, որոնք երաշխավորել են Սիրիայում ռուսական ռազմակայանների և դիվանագիտական հաստատությունների անվտանգությունը։ Մենք հուսով ենք, որ կշարունակենք քաղաքական երկխոսությունը՝ հանուն սիրիացի ժողովրդի շահերի ու Ռուսաստանի և Սիրիայի միջև երկկողմ հարաբերությունների զարգացման»,- մեջբերում է «ՌԻԱ Նովոստի»-ն իր աղբյուրի հայտարարությունը։
Ավելի վաղ չէր հաղորդվում, թե որտեղ է գտնվում Ասադը։ ՌԴ ԱԳՆ-ն դեկտեմբերի 8-ի հայտարարել էր, որ Սիրիայի նախկին նախագահը «սիրիական հակամարտության մի շարք մասնակիցների հետ» բանակցություններից հետո որոշել է լքել իր պաշտոնը և հանձնարարել է «խաղաղ կերպով փոխանցել իշխանությունը»։ Reuters-ի սիրիական աղբյուրները դեկտեմբերի 8-ի առավոտյան հայտնել էին, որ Ասադը «մեծ հավանականությամբ» կարող էր զոհված լինել ավիավթարի հետևանքով։
Թարգմանությունը՝ Էմմա Չոբանյանի
