19.04.2026 | 18:15
Փոփոխություններ՝ ՀՀ պետական և ոչ պետական բուհեր ըստ բակալավրի ու անընդհատ և ինտեգրացված կրթական ծրագրերի ընդունելության կարգում
ԵԽԽՎ-ում գերիների հարցը քննարկելն այդքան էլ հեշտ չէ, պետք է ունենալ օրակարգ. Վարդանյան․ ՏԵՍԱՆՅՈՒԹ
Հասարակություն
09.12.2024 | 14:38
ԵԽԽՎ իրավական և մարդու իրավունքների հարցերով հանձնաժողովն այսօր և վաղը Երևանում կանցկացնի գլխավոր նիստը, այս մասին ԱԺ-ում հրավիրված ասուլիսի ժամանակ հայտնեց պետաիրավական հարցերով հանձնաժողովի նախագահ, ԵԽԽՎ իրավական հարցերի և մարդու իրավունքների հանձնաժողովի անդամ Վլադիմիր Վարդանյանը։
Անդրադառնալով ԵԽԽՎ նիստում գերիներին վերաբերող հարցերի քննարկմանը՝ Վարդանյանը պատասխանեց, որ Հայաստանը Ադրբեջանում պահվող ռազմագերիների վերաբերյալ մշտապես հարցեր է բարձրացնում։
«Այդ հարցերը ընդգրկված են նաև մի շարք զեկույցներում, որոնք արդեն ընդունված են ԵԽԽՎ-ի կողմից։ Մենք չենք կարող օրակարգ ձևավորել, որովհետև այդ օրակարգի ձևավորումը շատ դեպքերում պայմանավորված է լինում այն զեկույցներով, որոնք քննարկվում են հանձնաժողովում։ Իհարկե, Հայաստանում այս նիստի անցկացման ընթացքում մենք չէինք կարող խուսափել այս քննարկումից։ ԵԽԽՎ-ում ռազմագերիների հարցեր քննարկելու համար պետք է ունենալ օրակարգային հարց, որը հստակ ձևակերպում պետք է ունենա, թե ինչ ես նախատեսում ունենալ՝ հայտարարություն, համապատասխան բանաձև, թե նախատեսում ես կազմակերպել լսումներ»,- շեշտեց պատգամավորը։
Մանրամասները՝ տեսանյութում։
