26.10.2026 | 13:16
Ռուսական զորքերը հարվածել են Զապորոժիեին․ կան վիրավորներ
Հայ երկրպագուները միասնական երթ կանցկացնեն Կիպրոս – Հայաստան խաղից առաջ
02.10.2026 | 12:22
ՖԱՖ երկրպագուաական շարժումը Նիկոսիայում միասնական երթ կանցկացնի Հայաստանի և Կիպրոսի հավաքականների միջև Ազգերի լիգայի խմբային փուլի երրորդ տուրի հանդիպումից առաջ:
«Հոկտեմբերի 2-ին Կիպրոս – Հայաստան հանդիպումից առաջ, հավաքվում ենք՝ միասին դեպի մարզադաշտ շարժվելու։
Քանի որ մարզադաշտը գտնվում է քաղաքի ծայրամասում, իսկ հարակից տարածքում չկան երթի մեկնարկի համար հարմար հրապարակներ և երթուղիներ, հավաքվում ենք անմիջապես մարզադաշտի հարակից ավտոկայանատեղիում։
Թմբուկներ, դրոշներ, շարֆեր ու հայկական եռագույն․ միասնական կերպով շարժվելու ենք դեպի մարզադաշտ՝ մեր հավաքականին հզոր աջակցություն ցույց տալու։
Միացե՛ք։ Հավաքվենք մեկ տեղում, շարժվենք միասին ու միասնական աջակցությամբ մեր թիմին առաջ մղենք դեպի հաղթանակ»,- նշված է ՖԱՖ-ի հայտարարության մեջ:
Կիպրոս – Հայաստան հանդիպումը կկայանա հոկտեմբերի 2-ին Նիկոսիայի GSP մարզադաշտում ու կմեկնարկի Երևանի ժամանակով ժամը 20։00-ին։ Հոկտեմբերի 5-ին Հայաստանի հավաքականն արտագնա հանդիպում կանցկացնի նաև Չեռնոգորիայի հետ։
Ազգերի լիգայի մեկնարկային երկու տուրերում Եղիշե Մելիքյանի գլխավորած թիմը հաղթել է Լատվիային (2:0) ու պարտվել Չեռնոգորիային (2:3):
