19.04.2026 | 18:15
Փոփոխություններ՝ ՀՀ պետական և ոչ պետական բուհեր ըստ բակալավրի ու անընդհատ և ինտեգրացված կրթական ծրագրերի ընդունելության կարգում
Պարտքը վերցնում ենք, որպեսզի դառնանք «Խաղաղության խաչմերուկ»․ Հակոբ Արշակյան․ ՏԵՍԱՆՅՈՒԹ
Տնտեսություն
05.12.2024 | 11:15
Կոռուպցիայի կանխարգելման հանձնաժողովի անդամի ընտրության քննարկման ժամանակ ԱԺ փոխխոսնակ Հակոբ Արշակյանն անդրադարձավ խորհրդարանական ընդդիմության քննադատություններին:
«Թվային առևտրի, շրջանառության մասով ի՞նչ ենք արել մենք, ասել ենք՝ 300 հազար դրամից ավելի ինչ առնես, պիտի առնես բանկային փոխանցումով կամ քարտի միջոցով. դա նշանակում է կանխիկ ապօրինի շրջանառության դեմն առնել: Ինչի՞ համար ենք արել. կոռուպցիայի կանխարգելման: Ի՞նչ էիք դուք անում. ասում էիք՝ էդ խեղճ մարդկանց ինչո՞ւ եք ասում, կարող է՝ քեշ փող ունեն, ինչո՞ւ եք սահմանափակում նրանց իրավունքը»,- ասաց նա:
Անդրադառնալով ընդդիմության՝ Քաջարանի թունելի համար վարկ վերցնելու նախագծին կողմ չքվեարկելու որոշմանը՝ նշեց․ ընդդիմությունը դեմ է թունելի կառուցման ծրագրի համար վարկ վերցնելուն, որովհետև կարծում է, թե դրա համար պետք է դրամահավաք կազմակերպվի:
«Ինչի՞ համար ենք այդ պարտքը վերցնում, վերցնում ենք, որպեսզի դառնանք «Խաղաղության խաչմերուկ», ուզում ենք՝ Հյուսիս-հարավը կառուցենք, ուզում ենք՝ ճանապարհները բացվեն, ուզում ենք՝ ապրանք շրջանառվի, ուզում ենք՝ կողքի պետություններն էլ դրանից օգուտ քաղեն, առավել ևս օգուտ քաղենք մենք, մեր տնտեսվարողները, աշխարհում չլինենք ինչ-որ փակ տեղ: Դրա համար ենք վերցնում: Չի կարելի դրա համար գնալ, հումանիտար օգնություն խնդրել»,- ասաց նա:
Մանրամասները՝ տեսանյութում։
