22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Շոլցն ասել է, թե ճամպրուկով ինչ է բերել Կիև
Քաղաքականություն
03.12.2024 | 14:20
Գերմանիայի կանցլեր Օլաֆ Շոլցը Կիև կատարած այցի ժամանակ Rimowa ապրանքանիշի ճամպրուկով է եղել։ Սոցցանցերի օգտատերերն ուշադրություն են դարձրել այդ հանգամանքին և սկսել ենթադրություններ անել, թե ինչ կարող էր լինել ճամպրուկում։ Շոլցին այս մասին հարցրել են մամուլի ասուլիսի ժամանակ, ինչին ի պատասխան՝ նա ասել է, թե դրանում «ճամփորդական իրեր» են եղել:
Մինչ այս, Գերմանիայի կանցլերը ճանապարհորդել է կաշվե պայուսակով։ NTV հեռուստաալիքի հաղորդմամբ՝ սոցցանցերում ենթադրություններ են պտտվում, որ նրա ճամպրուկում սուրճի թերմոս և սենդվիչներ են եղել։ Ոմանք էլ կատակել են, որ Օլաֆ Շոլցը ճամպրուկով է բերել Ուկրաինայի համար հայտարարված 650 միլիոն եվրոյի զենքի մատակարարումները: Մեկ այլ վարկածով էլ՝ ճամպրուկը դատարկ է եղել, և կանցլերը ծրագրել է դրանով ինչ-որ բան վերցնել Կիևից։
Ուկրաինայի նախագահ Վլադիմիր Զելենսկիի հետ համատեղ մամուլի ասուլիսի ժամանակ լրագրողը Շոլցին հարցրել է ճամպրուկի պարունակության մասին։
«Որքա՞ն մանրամասն բոլորին պատասխանեմ։ Հիմնականում ճամփորդական աքսեսուարներ, սպիտակեղեն և այլ անհրաժեշտ իրեր»,- պատասխանել է նա։
Գերմանիայի կանցլերն Ուկրաինայի մայրաքաղաք է ժամանել երեկ՝ դեկտեմբերի 2-ին։ Սա նրա երկրորդ այցն էր ռուսական ռազմական գործողության մեկնարկից ի վեր։ Ուղևորության ընթացքում Օլաֆ Շոլցը վստահեցրել է, որ Գերմանիան մնալու է Ուկրաինայի գլխավոր աջակիցը Եվրոպայում, ինչպես նաև խոստացել, որ Կիևին աջակցությունը Գերմանիայի իշխանությունների կողմից չի թուլանա։
Թարգմանությունը՝ Տաթև Ֆռանգյանի
