08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Բայրամովը Վրաստանի նորանշանակ ԱԳ նախարարի հետ քննարկել է երկրների ռազմավարական գործընկերությունն ու տարածաշրջանային հարցեր
03.12.2024 | 10:49
Ադրբեջանի ԱԳ նախարար Ջեյհուն Բայրամովը նախօրեին հեռախոսազրույց է ունեցել Վրաստանի նորանշանակ ԱԳ նախարար Մակա Բոչորիշվիլիի հետ։ Ադբեջանական կողմի փոխանցմամբ՝ Ջեյհուն Բայրամովը շնորհավորել է իր գործընկերոջը Վրաստանի արտաքին գործերի նախարար նշանակվելու կապակցությամբ և հաջողություն մաղթել նրան այս պաշտոնում։
Կողմերը քննարկել են երկու երկրների միջև բարեկամության և ռազմավարական գործընկերության ներկա վիճակը, ինչպես նաև ապագայում այդ հարաբերությունների հետագա զարգացման ընթացիկ ծրագրերն ու հեռանկարները:
«Ընդգծվել է, որ մեր երկրների միջև ամենաբարձր մակարդակներում առկա քաղաքական երկխոսությունը, ինտենսիվ այցելությունները, քաղաքական խորհրդակցությունների մեխանիզմը նպաստում են ռազմավարական գործընկերային հարաբերությունների հետագա ամրապնդմանը»,-ասվում հաղորդագրության մեջ։
Նախարարները նաև մտքեր են փոխանակել տարածաշրջանային հարցերի և միջազգային կազմակերպությունների շրջանակներում համագործակցության ոլորտների շուրջ։
Թարգմանությունը՝ Էմմա Չոբանյանի
