Հասարակություն
26.11.2024 | 20:44
Նոր Արեշում այրվել է երկու «Լեքսուս» մակնիշի ավտոմեքենա։ Այս մասին հաղորդագրություն է տարածել ՆԳՆ ոստիկանությունը՝ նշելով, որ հրկիզողը ձերբակալվել է։
ՆԳՆ ոստիկանությունից տեղեկացնում են, որ հրդեհը մեկուսացվել է ժամը 3.49-ին, մարվել` 4.42-ին: Այրվել է «Լեքսուս» մակնիշի երկու մեքենա, մեկը` մասամբ: Այրվել են նաև կենցաղային իրեր:
«Նույն ընթացքում ահազանգ է ստացվել նաև ոստիկանության օպերատիվ կառավարման կենտրոնում: Հաղորդումը փոխանցվել է Համայնքային ոստիկանության Էրեբունու բաժին, նաև` Քրեական ոստիկանության Երևան քաղաքի վարչություն: Ոստիկանների համատեղ միջոցառումների արդյունքում պարզվել է, որ տեղի ունեցածը հրկիզում է: Պարզվում են նաև որոշ հանգամանքներ:
Ըստ տեղեկությունների` նույն փողոցի բնակիչ 28-ամյա մի երիտասարդ նախապես բենզալցակայանից գնել է բենզին և հրկիզել ավտոտնակը»,- ասված է հաղորդագրությունում:
Գերատեսչությունից տեղեկացնում են, որ նոյեմբերի 25-ին՝ ժամը 16.30-ին, 28-ամյա երիտասարդը իրենց փողոցում հայտնաբերվել ու ձերբակալվել է:
Հանգամանքները նախաքննությամբ պարզվում են:
