08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
Ուկրաինան հայտարարել է ռուսական ԱԹՍ-ների կողմից ռեկորդային հարձակման մասին
Քաղաքականություն
26.11.2024 | 14:46
Ռուսաստանը երեքշաբթի գիշերը անօդաչու սարքերով և «Իսկանդեր-Մ» բալիստիկ հրթիռներով հարձակվել է Ուկրաինայի վրա։
«Գիշերային հարձակման ժամանակ հակառակորդը գործարկել է «Շահեդ» տեսակի հարձակողական անօդաչու թռչող սարքերի և անհայտ անօդաչու թռչող սարքերի ռեկորդային քանակություն»,- ասվում է Ուկրաինայի ռազմաօդային ուժերի հայտարարության մեջ, գրում է BBC-ի ռուսական ծառայությունը:
Ուկրաինացի զինվորականների տվյալներով՝ ընդհանուր առմամբ գրանցվել է 192 օդային թիրախ՝ 4 Իսկանդեր և 188 անօդաչու թռչող սարք։ Զեկույցի համաձայն՝ Ուկրաինայի 16 շրջաններում, այդ թվում՝ Կիևում, 76 կամիկաձե անօդաչու թռչող սարք է խոցվել, 95 անօդաչու թռչող սարք «կորել է տեղանքում», հինգը՝ «թռել դեպի Բելառուս»։
Կիևի քաղաքային ռազմական վարչակազմն ավելի վաղ հայտնել էր մայրաքաղաքի վրա ավելի քան 10 անօդաչու թռչող սարքերի հարձակումը հետ մղելու մասին: Տերնոպոլի շրջանում անօդաչու թռչող սարքի հարձակման հետևանքով վնասվել է ենթակառուցվածքի կարևորագույն օբյեկտը և էլեկտրաէներգիայի մատակարարման խափանոպմ է գրանցվել, հայտնել են շրջանային իշխանությունները։
«Հարվածներ են գրանցվել կրիտիկական ենթակառուցվածքների վրա», հաստատում են օդային ուժերը: Նախնական տվյալներով՝ զոհեր և վիրավորներ չկան։
Թարգմանությունը՝ Տաթև Ֆռանգյանի
