06.12.2025 | 19:00
Մեզնից շատերը լավ ապրելը քեֆերի մեջ են տեսնում, երբ շուրջը ատելություն և թշնամանք է. Սամվել Թոփալյան. ՏԵՍԱՆՅՈՒԹ
Թուրքիայում ձնաբքի պատճառով բազմաթիվ նահանգների դպրոցներում դասերը դադարեցվել են
Քաղաքականություն
26.11.2024 | 22:54
Թուրքիայում ձյան առատ տեղումներն ու դրան հետևած ձնաբուքը խաթարել են տրանսպորտն ու կրթական համակարգը, ինչի հետևանքով նոյեմբերի 26-ին առնվազն 24 նահանգներում և շրջաններում մեկ օրով դասերը դադարեցվել են, գրում է Duvar-ը։
Ձյան և բքի պատճառով մի քանի մարզերում փակվել են բազմաթիվ ճանապարհներ։ Հատկապես հյուսիսային, կենտրոնական և արևելյան շրջաններում առատ ձյան պատճառով գյուղական բնակավայրերում կյանքը գրեթե կանգ է առել։
Նշվում է, որ Մերսին և Մալաթիա նահանգներում երկու հովիվ է մահացել։ Մալաթիայի նահանգապետարանը հայտարարել է, որ ճանապարհներին արգելափակված և փրկված 787 մարդ տեղավորվել է հյուրատներում։ Գիրեսուն նահանգում ձյան պատճառով մեքենաներում արգելափակված հինգ մարդ է փրկվել տեղի խմբերի կողմից: Բոլու նահանգում փրկվել է բարձրլեռնային գոտում արգելափակված 18 մարդ։
Կայսերիում մի կին, որը ձնաբքի պատճառով ճանապարհին արգելափակված է եղել՝ փորձելով հասնել ծննդատուն, ծննդաբերել է օգնության հասած զինվորական մեքենայում։
Նոյեմբերի 26-ին Թուրքիայի պետական օդերևութաբանական ծառայությունը երկրի կենտրոնական բազմաթիվ նահանգներում վտանգի դեղին մակարդակ է հայտարարել։
Թարգմանությունը՝ Էմմա Չոբանյանի
