07.11.2026 | 18:24
Պաշտպանության փոխնախարարն այցելել է ՊՆ մի շարք զորամասեր
Սարի հակառակ կողմը. ՏԵՍԱՆՅՈՒԹ
Քաղաքականություն
25.11.2024 | 21:45
Չսափրված դիմանկարի փոխարեն՝ սափրված, փողոցային պայքարի օրերի քայլարշավի փոխարեն՝ Արագածի համայնապատկեր․ վերջերս Փաշինյանի ֆեյսբուքյան էջում կտրուկ փոփոխություններ եղան։ Փոխվել է նաև վարչապետի բառապաշարը, «Արցախը Հայաստան է և վերջից» մինչև «Այստեղ պետություն, այստեղ հաց, այստեղ հայրենիք, այստեղ կաց»։
Ուղիղ 1 տարի առաջ այս օրերին էլ Փաշինյանը բարձրաստիճան հյուրերի էր դիմավորում կառավարության շենքի սրահում, որի պատին Արագածի մեծադիր նկարն է։ Իսկ դրանից ամիսներ առաջ ասուլիսում առաջին անգամ ՀՀ ամենաբարձր գագաթի մասին խոսել էր քաղաքական ենթատեքստով։
«Այս երկու լեռները հայոց պատմության ընթացքում երբևիցե չեն հակադրվել։ Ես հասկանում եմ սիմվոլիզմը, այն, որ անցյալի Հայաստանը այսօրվա Հայաստանի հետ հակադրելու խնդիրն է դրված։ Բայց այդ խնդիրն անլուծելի է, չես կարող այսօրվա Հայաստանի մասին խոսելով՝ անդրադարձ չկատարել անցյալին։ Դա բնական երևույթ է մարդկության, հասարակության համար․ որպեսզի հասկանաս՝ որտեղ ես այսօր, ինչպիսին ես դու, գնում ես անցյալ, դեպի ակունքներ»,- նշում է պատմաբան Սուրեն Մանուկյանը։
Ազգագրագետ Հրանուշ Խառատյանն էլ շեշտում է՝ հայ ժողովրդի ինքնության մեջ Արարատ սարը հեքիաթի, առասպելաբանության, ծննդաբանական, էթնիկական ձևավորման և ընդհանուր պատմության կարևոր դերակատար է։
Ռեժիսոր Ռուբեն Բաբայանն էլ վստահ է՝ խնդիր է առաջանում այն ժամանակ, երբ փորձում են տեղերով փոխել իրական և պատմական Հայաստանը։
«Հեշտ է սիրել քարտեզը, այն պարզապես փակցնում ես պատին, շաբաթ-կիրակի ակումբում հավաքվում եք, նարդի եք խաղում, քաշած արաղ եք խմում, խոսում եք հայրենասիրության մասին, երկու երգ եք լսում նման բովանդակությամբ և վերջ, սրանով պարտականություններն ավարտվում են։ Իրական հողը, երկիրը, տունը սիրելն ավելի դժվար է, որովհետև տունը խնամք է պահանջում»,- ասում է նա։
Մանրամասները՝ տեսանյութում։
Աննա Բաբաջանյան
