10.08.2026 | 23:23
ԹԻՀԿ-ն ուսումնասիրել է Երևանի 70 բարեկարգված բակերի ու խաղահրապարակների որակն ու անվտանգությունը
Լոնդոնը ներկայացրել է ՌԴ «ստվերային նավատորմի» դեմ միջոցառումների ամենամեծ փաթեթը
Քաղաքականություն
25.11.2024 | 22:33
Մեծ Բրիտանիայի կառավարությունը պատժամիջոցների ցանկում ավելացրել է ևս 30 նավ, որոնք Ռուսաստանի «ստվերային նավատորմի» մաս են կազմում՝ դրանով իսկ դրանց թիվը հասցնելով 73-ի։ Սա «պատժամիջոցների ամենամեծ փաթեթն է», որը կիրառվել է Լոնդոնի կողմից լցանավերի և բեռնատար նավերի դեմ, որոնք օգտագործվում են Ռուսաստանի կողմից նավթի էմբարգոն և արտահանման այլ պատժիչ միջոցները շրջանցելու համար՝ Ուկրաինայի դեմ շարունակվող պատերազմը ֆինանսավորելու համար, փոխանցում է DW-ի ռուսական ծառայությունը։
Ցուցակում ներառված են, մասնավորապես, Ռուսաստանի դրոշով նավարկող Anatoly Kolodkin, Antarktika, Belgorod, Bratsk, Georgy Maslov, Kemerovo, Kolomna, Krasnoyarsk, Viktor Bakaev նավերը: Բացի այդ, սև ցուցակում են հայտնվել Պանամայի, Գաբոնի, Սիերա Լեոնեի, Լիբերիայի և մի շարք այլ երկրների դրոշներով նավերը։
Այս նավերին այսուհետ կարգելվի Միացյալ Թագավորության նավահանգիստներ մուտքը, դրանք կհանվեն ազգային նավերի գրանցումից: Բացի այդ, հրամանատարներն ու օդաչուները կարող են հրամաններ ստանալ լցանավերը կալանավորելու վերաբերյալ:
Միևնույն ժամանակ, «սև ցուցակում» հայտնվել են «ԱլֆաՍտրախովանիե» և «ՎՍԿ» ապահովագրական ընկերությունները, որոնք մեղադրվում էին «ստվերային նավատորմի» բեռնափոխադրման համար՝ առանց բավարար ապահովագրության:
Թարգմանությունը՝ Տաթև Ֆռանգյանի
