01.10.2026 | 23:39
Արթուր Մարտիրոսյանը՝ ԱԺ աշխատակազմի ղեկավարի առաջին տեղակալ
«Կանաչ» հիմնադրամներից շատերն այնքան էլ կանաչ չեն. ապաքաղաքական զրույց Ինգա Զարաֆյանի հետ․ ՏԵՍԱՆՅՈՒԹ
Հաղորդաշարեր
24.11.2024 | 21:00
Factor TV-ի A-politic հաղորդաշարի հյուրն է «Էկոլուր» տեղեկատվական հասարակական կազմակերպության ղեկավար Ինգա Զարաֆյանը: Նրա կարծիքով՝ կլիմայի փոփոխության, գլոբալ տաքացման հիմնական վտանգն այն է, որ այդ գործընթացները մեծացնում են անկանխատեսելիությունը մարդկանց կյանքի բոլոր ոլորտներում՝ սկսած ժողովրդագրությունից, վերջացրած գյուղատնտեսությամբ: Ըստ հաղորդման հյուրի՝ իրավիճակի բացասական զարգացումը, ի վերջո, կստիպի բոլոր կառավարություններին լուրջ վերաբերվել այդ հարցին:
Նավթային ռեսուրսներն անխնա շահագործող Ադրբեջանի տնտեսությունը, ըստ բնապահպանի, դժվար է անվանել «կանաչ»: Ապշերոնի թերակղզին ծայրահեղ աղտոտված տարածք է, սակայն դրա վրա աչք են փակում ոչ միայն պետությունները, այլև որոշ հասարակական միջազգային կառույցներ։ «Կանաչ» հիմնադրամները շարունակում են աջակցել Ադրբեջանին, ինչից կարելի է եզրակացնել, որ այդ հիմնադրամներն այնքան էլ «կանաչ» չեն:
Անդրադառնալով հարցին, թե ի՞նչ պետք է անի շարքային քաղաքացին բնապահպանական խնդիրների լուծման համար, Ինգա Զարաֆյանը նշում է՝ քաղաքացին պետք է հաշվի առնի, որ հարկատու է: Որպես հարկատու՝ նա իրավունք ունի, մասնավորապես, պահանջելու, որ օրենքներն ամբողջ ծավալով կատարվեն:
Ի դեպ, հարղորդման հյուրը հիշեցնում է, որ Հայաստանում իր ոլորտին վերաբերող օրենքները բավականին լավն են:
Մանրամասները՝ տեսանյութում:
Արամ Աբրահամյան
