06.11.2026 | 18:05
Ռաֆայել Նադալը կարող է դառնալ «Ռեալի» նախագահը
Ծանրամարտի ԱԱ. Գարիկ Կարապետյանը զրո ստացավ
06.11.2026 | 16:36
Հայաստանի ներկայացուցիչ Գարիկ Կարապետյանն անհաջող հանդես եկավ Չինաստանի Նինբո քաղաքում շարունակվող ծանրամարտի աշխարհի առաջնությունում:
110 կգ քաշային կարգում հայ ծանրորդը զրո ստացավ հրում վարժությունում և չգրանցեց երկամարտի արդյունք: Պոկում վարժությունից հետո 23-ամյա Կարապետյանը 183 կգ արդյունքով 7-րդն էր, իսկ հրում վարժությունում չկարողացավ հաջող մոտեցում գրանցել: Նա երկու անգամ ձախողեց 217 կգ-ն, իսկ երրորդ մոտեցումից հրաժարվեց վնասվածքի պատճառով:
Եվրոպայի եռակի չեմպիոն Գարիկ Կարապետյանն աշխարհի առաջնության մեդալ առայժմ չունի:
ԱԱ-ում Հայաստանի ներկայացուցիչներից մեդալի արժանացել է միայն Ալեքսանդրա Գրիգորյանը (57 կգ), որը հրում վարժությունում դարձել էր բրոնզե մեդալակիր ու չորրորդ տեղը գրավել երկամարտում:
Նոյեմբերի 7-ին մրցահարթակ դուրս կգան 86 կգ քաշայիններ Էմմա Պողոսյանը և Լիանա Գյուրջյանը, իսկ նոյեմբերի 8-ին՝ Հայաստանի վերջին ներկայացուցիչ Վարազդատ Լալայանը (+110 կգ):
Դավիթ Եղիազարյան
