07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
Ադրբեջանն ու ՆԱՏՕ-ն համագործակցության հարցեր են քննարկել
Քաղաքականություն
25.11.2024 | 21:16
Ադրբեջանի ՊՆ միջազգային ռազմական համագործակցության վարչության պետ Էլչին Աբդուլաևը Բաքու ժամանած ՆԱՏՕ-ի պատվիրակության հետ քննարկել է համագործակցության զարգացման հեռանկարները։ Այս մասին հայտնել է ՆԱՏՕ-ում Ադրբեջանի առաքելության ղեկավար Ջաֆար Հուսեյնզադեն։
Նշվում է, որ ՆԱՏՕ-ի գլխավոր քարտուղարի օպերատիվ գծով օգնականի տեղակալ Բուրջու Սանի գլխավորած պատվիրակությունը Բաքվում է՝ մասնակցելու ՆԱՏՕ-ի «Գործընկերություն հանուն խաղաղության» ծրագրին Ադրբեջանի անդամակցության 30-ամյակին նվիրված համաժողովին:
«Քննարկումների ընթացքում Ադրբեջանը նշվել է որպես ՆԱՏՕ-ի հուսալի գործընկեր՝ դաշինքի գործողություններում և դաշնակից երկրների էներգետիկ անվտանգության մեջ ունեցած ներդրման համար։ Հանդիպման ընթացքում քննարկվել են Ադրբեջան-ՆԱՏՕ գործընկերությանը, ապագա համագործակցության հնարավորություններին և փոխադարձ հետաքրքրություն ներկայացնող այլ հարցեր»,- նշել է Հուսեյնզադեն։
Թարգմանությունը՝ Էմմա Չոբանյանի
