16.12.2025 | 13:33
Արման Ծառուկյանի մրցակիցը փոխվել է
«Ելք» դաշինք այլևս չկա՝ քննիչ հանձնաժողովի կազմը վկա. «Հրապարակ»
19.09.2018 | 10:03
«Հրապարակ» թերթը գրում է.
ԱԱԾ և ՀՔԾ ղեկավարներին գաղտնալսելու հարցերով ստեղծված ԱԺ քննիչ հանձնաժողովի 11 անդամից 5-ը ներկայացրել է ՀՀԿ-ն՝ Գևորգ Կոստանյան (նախագահ), Արփինե Հովհաննիսյան, Ռուստամ Մախմուդյան, պաշտպանության հարցերի հանձնաժողովի նախագահ Կորյուն Նահապետյան և նախկին ոստիկանապետ Ալիկ Սարգսյան։ ԲՀԿ-ին 3 տեղ է հասնում՝ խմբակցության քարտուղար Վահե Էնֆիաջյան, Սերգեյ Բագրատյան, Գևորգ Պետրոսյան։ Ուշագրավ է «Ելք»-ի կազմը։
Մեր տեղեկություններով՝ հանձնաժողովում աշխատելու հավակնություն է ունեցել իրավաբան Էդմոն Մարուքյանը, սակայն խմբակցության ղեկավար Լենա Նազարյանը մինչև վերջին պահը ձգել է, ապա ներկայացրել «ՔՊ» անդամներ Ալեն Սիմոնյանի և Հովիկ Աղազարյանի թեկնածությունները՝ ևս մեկ անգամ հավաստելով, որ դաշինք այլևս չկա։ Ի դեպ, քանի որ «ՔՊ»-ն դեմ էր հանձնաժողովի ստեղծմանը, ամենայն հավանականությամբ, նրա ներկայացուցիչները չեն մասնակցի աշխատանքներին։ Իսկ ՀՅԴ-ի թեկնածուն Սպարտակ Սեյրանյանն է։
Առավել մանրամասն՝ թերթի այսօրվա համարում:
