23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Փարիզում Ադրբեջանի դեսպանը կանչվել է Ֆրանսիայի ԱԳՆ
Քաղաքականություն
20.11.2024 | 10:25
Ֆրանսիայում Ադրբեջանի դեսպան Լեյլա Աբդուլլաևան նոյեմբերի 19-ին կանչվել է Եվրոպայի և արտաքին գործերի նախարարություն։
Ֆրանսիայի ԱԳՆ հաղորդագրության համաձայն՝ «այդ կանչը հետևում է COP29-ի շրջանակներում Ադրբեջանի իշխանությունների կողմից Ֆրանսիայի և եվրոպացիների հասցեին արված անընդունելի արտահայտություններին, որոնց արդյունքում էկոլոգիական անցման, էներգետիկայի, կլիմայի և կանխարգելման ռիսկերի նախարար տիկին Անյես Պանիեր-Ռունաշերը ստիպված է եղել չեղարկել իր մասնակցություն Միավորված ազգերի կազմակերպության այդ համաժողովին»։
«Ադրբեջանի թշնամական գործողությունները պետք է դադարեցվեն»,-ասվում է հայտարարության մեջ։
Ֆրանսիացի նախարարը ավելի վաղ հրաժարվել էր մասնակցել Բաքվում անցկացվող կլիմայի փոփոխության COP29 համաժողովին՝ Ադրբեջանի նախագահ Իլհամ Ալիևի «անընդունելի հարձակումներից հետո»։
Հիշեցնենք, որ Ալիևը COP29-ի ժամանակ իր ելույթում Ֆրանսիայի, Նիդերլանդների ու եվոպական ինստիտուտների հասցեին մի շարք մեղադրանքներ էր հնչեցրել։
Թարգմանությունը՝ Էմմա Չոբանյանի
