23.06.2026 | 15:54
Ռուսական զորքերը հրթիռակոծել են Կրիվոյ Ռոգը․ զոհվել է 3, վիրավորվել՝ 23 մարդ
Պուտինն ու Շոլցն առաջին անգամ հեռախոսով զրուցել են 2022 թվականի դեկտեմբերից ի վեր. Suddeutschen Zeitung
Քաղաքականություն
15.11.2024 | 20:11
ՌԴ նախագահ Վլադիմիր Պուտինն ու Գերմանիայի կանցլեր Օլաֆ Շոլցը հեռախոսազրույց են ունեցել, հայտնում են Suddeutschen Zeitung, AFP, DPA, Reuters-ը՝ հղում անելով Գերմանիայի կառավարության իրենց աղբյուրներին։
Սա երկու երկրների ղեկավարների առաջին զրույցն է 2022 թվականի դեկտեմբերից ի վեր։ Այն տևել է շուրջ մեկ ժամ։
Ավելի վաղ Bloomberg-ը հայտնել էր, որ Օլաֆ Շոլցը ծրագրում է զանգահարել Վլադիմիր Պուտինին նոյեմբերի 15-ին։ Վերջին մի քանի շաբաթների ընթացքում Գերմանիայի կանցլերը բազմիցս խոսել է ուկրաինական հակամարտության կարգավորման հարցով ՌԴ նախագահի հետ շփումները վերսկսելու պատրաստակամության մասին։
Վլադիմիր Պուտինի և Օլաֆ Շոլցի վերջին հեռախոսազրույցը 2022 թվականի դեկտեմբերին տեղի է ունեցել Գերմանիայի նախաձեռնությամբ։ Շուրջ մեկ ժամ տևած զրույցի ընթացքում կողմերը քննարկել են Ռուսաստանի և Ուկրաինայի միջև ռազմական հակամարտությունը և դրա հետևանքները։
Ընդհանուր առմամբ, մինչ այդ նրանք այս թեմայով շփվել են 11 անգամ։ Կրեմլը, մեկնաբանելով երկխոսության դադարեցման պատճառները, բացատրել է, որ Օլաֆ Շոլցը պատրաստ չէ լսել Ռուսաստանի դիրքորոշումը։
Թարգմանությունը՝ Տաթև Ֆռանգյանի
