08.10.2026 | 21:07
Միրզոյանն ու Արաղչին հեռախոսազրույց են ունեցել
Պուտինն ու Շոլցն այսօր երկու տարվա մեջ առաջին հեռախոսազրույցը կունենան․ Bloomberg
Քաղաքականություն
15.11.2024 | 17:46
Ռուսաստանի նախագահ Վլադիմիր Պուտինը և Գերմանիայի կանցլեր Օլաֆ Շոլցը պատրաստվում են նոյեմբերի 15-ին հեռախոսազրույց ունենալ: Այս մասին հայտնում է Bloomberg-ը՝ հղում անելով իր աղբյուրին, փոխանցում է Meduza-ն։
Ավելի վաղ ՌԴ նախագահի մամուլի խոսնակ Դմիտրի Պեսկովը լրագրողներին ասել էր, որ ծրագրված է Պուտինի միջազգային հեռախոսազրույցը, որը տեղի կունենա նոյեմբերի 15-ին՝ Մոսկվայի ժամանակով 17։00-ի սահմաններում։ Պեսկովը չի նշել, թե ում հետ է լինելու զրույցը։
Ռուսաստանի և Գերմանիայի իշխանությունների ներկայացուցիչները չեն մեկնաբանել Bloomberg-ի տեղեկությունը։
Սա կլինի Պուտինի և Շոլցի առաջին ուղիղ շփումը գրեթե երկու տարվա ընթացքում։ Ըստ Կրեմլի կայքի տեղեկատվության՝ վերջին անգամ երկու երկրների ղեկավարները հեռախոսազրույց են ունեցել 2022 թվականի դեկտեմբերի 2-ին։
Թարգմանությունը՝ Էմմա Չոբանյանի
