14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Ստամբուլի ընդդիմադիր քաղաքապետը Բաքվում է
Քաղաքականություն
13.11.2024 | 22:47
COP29-ին մասնակցելու համար Բաքու է ժամանել Թուրքիայի գլխավոր ընդդիմադիր Ժողովրդահանրապետական կուսակցությունից (CHP) Ստամբուլի քաղաքապետ Էքրեմ Իմամօղլուն։ Այս մասին նա հայտնել է X-ի իր միկրոբլոգում։
«Բաքվում ենք՝ ՄԱԿ-ի Կլիմայի փոփոխության համաժողովին։ Այցելեցինք Ադրբեջանի հանգուցյալ նախագահ Հայդար Ալիևի դամբարան և նահատակների գերեզմանատուն։ Այնուհետև մենք հանդիպեցինք Բրազիլիայի, Ճապոնիայի և Ալբանիայի ներկայացուցիչների հետ բնապահպանական և սոցիալական հարցերին նվիրված համաժողովում»,- գրել է Իմամօղլուն։
Հավելենք, որ օրերս CHP-ի նախագահ Օզգյուր Օզելը զանգահարել է Ադրբեջանի նախագահ Իլհամ Ալիևին և շնորհավորել «Ադրբեջանի տարածքային ամբողջականության վերականգնման, 44-օրյա պատերազմում տարած հաղթանակի չորրորդ տարեդարձի կապակցությամբ»։
Այս տարվա մայիսին Օզելը հայտարարել էր, որ առաջիկայում այցելելու է Ադրբեջան, սակայն մինչ օրս այդ այցը տեղի չի ունեցել։
Թարգմանությունը՝ Էմմա Չոբանյանի
