08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ադրբեջանի և Ուզբեկստանի նախագահները հայաթափված Ստեփանակերտում կարի ֆաբրիկա են բացել
13.11.2024 | 16:50
Ադրբեջանի նախագահ Իլհամ Ալիևը Բաքվում անցկացվող COP29-ի շրջանակում հանդիպել է Ուզբեկստանի նախագահ Շավքաթ Միրզիյոևի հետ։ Ադրբեջանական լրատվամիջոցների հաղորդմամբ՝ հանդիպումից հետո երկու երկրների նախագահները տեսակապով մասնակցել են հայաթափված Արցախի մայրաքաղաք Ստեփանակերտում կարի ֆաբրիկայի բացման արարողությունը։
Հավելենք, որ օգոստոսին Տաշքենդում Ուզբեկստանի նախագահ Շավքաթ Միրզիյոևի հետ բանակցություններից հետո Ադրբեջանի նախագահ Իլհամ Ալիևը հայտարարել էր, որ երկու երկրները նախագիծ են իրականացնելու էթնիկ զտման ենթարկված Ստեփանակերտում։
«Կցանկանայի առանձնացնել միայն մեկ նախագիծ, դա Խանքենդի (Ստեփանակերտ) քաղաքում նոր թեթև արդյունաբերական ձեռնարկության ստեղծումն է։ Սա մեր ժողովուրդների եղբայրության ու բարեկամության ևս մեկ խորհրդանիշ է»,- ասել էր Ալիևը։
2023 թվականի օգոստոսին Ուզբեկստանի նախագահն անձամբ էր այցելել Արցախ։
Էմմա Չոբանյան
