08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
Բայդենը Թրամփի հետ հանդիպմանը կոչ է անելու շարունակելու աջակցությունը Ուկրաինային
Քաղաքականություն
11.11.2024 | 12:23
Չորեքշաբթի օրը Սպիտակ տան օվալաձև սենյակում կհանդիպեն ԱՄՆ նախագահ Ջո Բայդենև և ընտրված նախագահ Դոնալդ Թրամփը։ Այդ հանդիպման ընթացքում ակնկալվում է, որ ամերիկացի առաջնորդը կոչ կանի Թրամփին շարունակելու աջակցությունն Ուկրաինային։ Այս մասին CBS News-ի եթերում հայտնել է Բայդենի ազգային անվտանգության հարցերով խորհրդական Ջեյք Սալիվանը, գրում է BBC-ի ռուսական ծառայությունը։
Նա նշել է, որ Բայդենն ու Թրամփը քննարկելու են «արտաքին ու ներքին քաղաքականության հիմնական առաջնահերթությունները», մասնավորապես, այն ինչ տեղի է ունենում Եվրոպայում, Ասիայում ու Մերձավոր Արևելքում։
ԱՄՆ նախագահը կոչ է անելու Թրամփի ապագա վարչակազմին Կիևին աջակցությունից չհրաժարվել, քանի որ դա կարող է հանգեցնել Եվրոպայում ավելի մեծ անկայունության։ Սալիվանի խոսքով՝ Բայդենի գլխավոր ուղերձը նորընտիր նախագահին լինելու է իշխանության խաղաղ փոխանցումը ապահովելու պատրաստակամությունը:
CBS-ն ընդգծում է, որ նման հանդիպումները կայացած պրակտիկա են և նպատակ ունեն նշանավորել իշխանությունը հեռացող նախագահից ընտրվածին փոխանցելու գործընթացի սկիզբը։
Թարգմանությունը՝ Էմմա Չոբանյանի
