08.10.2026 | 21:07
Միրզոյանն ու Արաղչին հեռախոսազրույց են ունեցել
Բայդենը շնորհավորել է Թրամփին և նրան հրավիրել Սպիտակ տանը հանդիպման
Քաղաքականություն
07.11.2024 | 11:52
ԱՄՆ նախագահ Ջո Բայդենը հեռախոսազրույց է ունեցել Դոնալդ Թրամփի հետ՝ շնորհավորելով նրան նախագահական ընտրություններում հաղթանակի կապակցությամբ։ Այս մասին ասվում է Սպիտակ տան հայտարարության մեջ, փոխանցում է ABC news-ը։
«Նախագահ Բայդենն իր հանձնառությունն է հայտնել սահուն անցումային գործընթաց ապահովելու հարցում և ընդգծել երկիրը միավորելու ուղղությամբ աշխատելու կարևորությունը»,- ասվում է հայտարարության մեջ։
Նշվում է, որ Բայդենը Թրամփին հրավիրել է հանդիպել Սպիտակ տանը։
Թրամփի նախընտրական արշավի խոսնակ Սթիվեն Չունգը հայտնել է, որ հանդիպումը «տեղի կունենա շուտով»։
«Նախագահ Ջո Բայդենը զանգահարել է նախագահ Դոնալդ Թրամփին՝ շնորհավորելու նրան հաղթանակի կապակցությամբ և Սպիտակ տանը հանդիպման հրավեր է ուղարկել՝ ապահովելու սահուն անցումը ներկայիս վարչակազմի և գալիք վարչակազմի միջև: Նախագահ Թրամփն անհամբեր սպասում է հանդիպմանը, որը տեղի կունենա մոտ ժամանակներս, և շատ բարձր է գնահատել այդ հեռախոսազանգը»,- ասվում է հայտարարության մեջ։
Սպիտակ տունը հայտնում է, որ Բայդենը նաև հեռախոսազրույց է ունեցել փոխնախագահ Քամալա Հարիսի հետ՝ շնորհավորելով նրան «պատմական քարոզարշավի համար»։
Թարգմանությունը՝ Էմմա Չոբանյանի
