07.10.2026 | 23:48
Արթուր Դանիելյանը կալանավորվեց
Հյուսիսային Կորեայի հետ ՌԴ-ի պայմանավորվածությունները չպետք է որևէ մեկին վախեցնեն․ Պեսկով
Քաղաքականություն
31.10.2024 | 16:16
Ռուսաստանի Դաշնության և ԿԺԴՀ-ի միջև ռազմավարական գործընկերության համաձայնագիրը ենթադրում է համագործակցություն բոլոր ոլորտներում: Այս մասին լրագրողներին ասել է Կրեմլի խոսնակ Դմիտրի Պեսկովը՝ պատասխանելով հարցին՝ արդյո՞ք Ռուսաստանն օգնում է Հյուսիսային Կորեային հրթիռային տեխնոլոգիաներով, գրում է ՏԱՍՍ-ը։
«Մենք հավատարիմ ենք մեր ստորագրած համաձայնագրին։ Մենք հավատարիմ ենք մնում մեր շահերին՝ մեր հարևանի հետ բոլոր ոլորտներում հարաբերություններ զարգացնելու հարցում, և դա ոչ ոքի չպետք է վախեցնի և անհանգստացնի։ Ե՛վ ՌԴ-ի, և՛ ԿԺԴՀ-ի ինքնիշխան իրավունքն է՝ զարգացնել հարաբերություններ՝ լինելով հարևան պետություններ»,- նշել է Պեսկովը։
Նա չի մեկնաբանել ԿԺԴՀ-ի կողմից հրթիռի արձակումը, մասնավորապես, չի հստակեցրել՝ արդյո՞ք ռուսական կողմը տեխնոլոգիական օգնություն է ցուցաբերել իր կորեացի գործընկերներին։
«Ես նման տեղեկություն չունեմ, այն մասնագիտացված տեղեկատվություն է։ Հավանաբար, պետք է հարցնել Պաշտպանության նախարարությանը»,- ասել է Կրեմլի ներկայացուցիչը։
Հավելենք, որ Հյուսիսային Կորեան միջմայրցամաքային հրթիռ է փորձարկել, որի մասին հայտարարել է երկրի ՊՆ-ն։
Թարգմանությունը՝ Էմմա Չոբանյանի
