06.12.2025 | 15:08
Մահացել է վիրաբույժ Արտավազդ Սահակյանը
20 մլրդ դրամ է հատկացվել մարզերում սուբվենցիոն ծրագրերի իրականացման համար․ Գնել Սանոսյան․ ՏԵՍԱՆՅՈՒԹ
Տնտեսություն
31.10.2024 | 11:27
Կառավարությունը 2 մլրդ 903 մլն դրամ կհատկացնի մարզերում սուբվենցիոն ծրագրերի իրականացման համար։ Կառավարության նիստում հաստատվեց «Հայաստանի Հանրապետության 2024 թվականի պետական բյուջեի մասին» Հայաստանի Հանրապետության օրենքում և Հայաստանի Հանրապետության կառավարության 2023 թվականի դեկտեմբերի 28-ի N 2323-Ն որոշման մեջ փոփոխություններ և լրացումներ կատարելու մասին նախագիծը։
Տարածքային կառավարման և ենթակառուցվածքների նախարար Գնել Սանոսյանը նշեց, որ ստացվում է՝ Կառավարությունը շուրջ 20 մլրդ դրամ է հատկացրել մարզերում սուբվենցիոն ծրագրերի իրականացման համար։
Պետական բյուջեից տրվող այդ գումարները ուղղված են համայնքներում կապիտալ ներդրումներին՝ փողոցների, այգիների, պուրակների, խաղահրապարակների բարեկարգում, համայնքային շենքերի, մշակութային տների, մանկապարտեզների, հանդիսությունների սրահների կառուցում ու նորոգում, խմելու, կոյուղու, ոռոգման ջրագծերի կառուցում ու նորոգում և գիշերային լուսավորության անցկացում, բնակավայրերի գազաֆիկացում, բազմաբնակարան շենքերի ընդհանուր բաժնային սեփականության գույքի նորոգում՝ էներգախնայող միջոցառումների կիրառմամբ։
Մանրամասները՝ տեսանյութում։
