23.04.2026 | 15:36
Թուրքիան արգելել է 15 տարեկանից փոքր երեխաների մուտքը սոցիալական ցանցեր
Բուսածածկերի հատման համար «կալանք» պատժամիջոցը կփոխարինվի «ազատազրկում» պատժամիջոցով. կառավարությունը նախագծին դրական եզրակացություն տվեց. ՏԵՍԱՆՅՈՒԹ
Հասարակություն
14.09.2018 | 11:31
ՀՀ կառավարության այսօրվա նիստում գործադիրի անդամները դրական եզրակացություն տվեցին ԱԺ «Ծառուկյան» խմբակցության պատգամավոր Նաիրա Զոհրաբյանի օրենսդրական նախաձեռնությանը, որով պատգամավորն առաջարկում է Քրեական օրենսգրքում փոփոխություններ կատարել:
ՀՀ արդարադատության նախարարի տեղակալ Արթուր Հովհաննիսյանն ասաց, որ նախագծի հեղինակն առաջարկում է խստացնել ծառերի, թփերի և բուսածածկերի ապօրինի հատման համար նախատեսված պատիժը, մասնավորապես՝ կալանք պատժատեսակը փոխարինել ազատազրկում պատժատեսակով:
«Ընդհանուր առմամբ նախագծին կողմ լինելով կառավարությունը մի քանի առաջարկ և դիտողություն ունի, որոնցից առաջինը վերաբերում է նախագծի հիմնավորմանը, որտեղ նշվում է, որ առավել խիստ պատիժը կզսպի հանցագործության կատարումը, դա այդպես չէ, քրեական պատիժը հանցավորության դեմ պայքարի գլխավոր միջոցը չէ»,- պարզաբանեց Արթուր Հովհաննիսյանը՝ առաջարկելով կալանքը պահպանել միաժամանակ ներառելով ազատազրկում պատժատեսակը:
Արդարադատության փոխնախարարն առաջարկեց ձեռնպահ մնալ նախագծի քննարկումից և համագործակցել կառավարության հետ՝ մեկ միասնական նախագծով հանդես գալու համար:
Նիստը վարող առաջին փոխվարչապետ Արարատ Միրզոյանն էլ ասաց՝ խանգարող հանգամանք չկա, եթե Ազգային ժողովի կողմից օրենքում փոփոխություններն ընդունվի, ապա կառավարությունը հանդես գա համալիր առաջարկություններով:
Մանրամասները՝ տեսանյութում:
