06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Հարձակում Թուրքիայում ռազմարդյունաբերական գործարանում․ զոհեր և վիրավորներ կան․ ՏԵՍԱՆՅՈՒԹ
Քաղաքականություն
23.10.2024 | 17:55
Անկարայի Քահրամանկազան թաղամասում գտնվող Turkish Aircraft Industry Joint Stock Partnership (TUSAŞ) գործարանի մոտ պայթյուններ են լսվել։ Թուրքական լրատվամիջոցների հաղորդմամբ՝ TUSAŞ-ի մուտքի մոտ պայթյունից հետո կրակոցներ են հնչել։
Ձեռնարկության անձնակազմը, անվտանգության նկատառումներից ելնելով, ուղարկվել է ապաստարաններ։
Դեպքի վայր են մեկնել անվտանգության ուժեր, հրշեջ և բժշկական խմբեր։
Թուրքիայի ներքին գործերի նախարար Ալի Երլիքայան X-ի իր միկրոբլոգում հայտնել է, որ ահաբեկչական հարձակում է տեղի ունեցել։
«Ահաբեկչություն է իրականացվել TUSAŞ-ում։ Ցավոք, հարձակման հետևանքով ունենք զոհեր և վիրավորներ»,- գրել է նա՝ կոնկրետ թվեր չներկայացնելով։
Թուրք նախարարը նշել է, որ հանրությունը զարգացումների մասին կտեղեկացվի։
Թարգմանությունը՝ Էմմա Չոբանյանի
