11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Բաքվում ջրհեղեղի հետևանքով զոհեր կան
Քաղաքականություն
22.10.2024 | 17:24
Ադրբեջանի մայրաքաղաքում ջրհեղեղի հետևանքով երկու մարդ է զոհվել։ Ադրբեջանական լրատվամիջոցները հայտնում են, որ նրանք խեղդվել են Բաքվի Սաբունչիի շրջանում անձրևաջրով լցված թունելում։
Ադրբեջանի ԱԻՆ-ն ու Գլխավոր դատախազությունը հայտարարել են, որ նրանցից մեկի դին ջրից դուրս են բերել փրկարարները։
«Մայրաքաղաքի Սաբունչիի շրջանում անձրևաջրով լցված թունելում մեկ մարդու դի է հայտնաբերվել։ ԱԻՆ աշխատակիցների կողմից իրականացված որոնողափրկարարական աշխատանքների արդյունքում անձրևաջրերով լցված թունելում հայտնաբերվել է 1976 թվականին ծնված Էլնուր Շիրինովի դին»,- ասվում է հաղորդագրության մեջ։
Դեպքի առթիվ հարուցվել է քրեական գործ։
Խեղդված երկրորդ անձը 1995 թվականին ծնված Կոչերին Աբբասովն է։
Հավելենք, որ Բաքվում երեկ երեկոյան և գիշերը տեղացած հորդառատ անձրևները քաղաքում իսկական ջրհեղեղ են առաջացրել։
Թարգմանությունը՝ Էմմա Չոբանյանի
