08.10.2026 | 21:07
Միրզոյանն ու Արաղչին հեռախոսազրույց են ունեցել
Թուրքիայի ԱԳ նախարարը հաստատել է Ֆեթուլլահ Գյուլենի մահը
Քաղաքականություն
21.10.2024 | 14:18
Թուրքիայի ԱԳ նախարար Հաքան Ֆիդանն Անկարայում Ուկրաինայի ԱԳ նախարար Անդրեյ Սիբիգայի հետ հանդիպումից հետո մամուլի ասուլիսում հաստատել է, որ կրոնական քարոզիչ Ֆեթուլլահ Գյուլենը մահացել է, գրում են թուրքական լրատվամիջոցները։
«Մեր հետախուզական աղբյուրները նույնպես հաստատում են նրա մահը: Այս մութ կազմակերպության պարագլուխը մահացել է: Ահաբեկչության դեմ պայքարում մեր ազգի վճռականությունը կշարունակվի: Նրա մահվան լուրը մեզ երբեք չի մղի ինքնագոհության կամ հանգստության: Այս կազմակերպությունը դարձել է մեր երկրի պատմության մեջ հազվադեպ հանդիպող սպառնալիքների կենտրոն»,- հայտարարել է Ֆիդանը։
Նա ասել է, թե «ազգն ու պետությունը շարունակելու են պայքարել Գյուլենի կազմակերպության դեմ, ինչպես դա արվում է բոլոր տեսակի ահաբեկչական կազմակերպությունների հետ»։
Այսօր ավելի վաղ թուրքական լրատվամիջոցները հայտնել էին, որ ԱՄՆ-ում 83 տարեկանում մահացել է թուրք հայտնի կրոնական քարոզիչ, FETO-ի առաջնորդ առաջնորդ Ֆեթուլլահ Գյուլենը։ FETO-ն Թուրքիայի իշխանությունները ճանաչել են ահաբեկչական կազմակերպության ու հետապնդում են դրա անդամներին։
Թարգմանությունը՝ Էմմա Չոբանյանի
