19.02.2026 | 20:38
Կոնֆերենցիաների լիգա․ «Նոայի» մեկնարկային կազմը «ԱԶ Ալկմարի» դեմ խաղում
Ալիևի հրամանով հայերեն գրությունները վերացվում են Արցախում․ Լեռնիկ Հովհաննիսյան
18.10.2024 | 14:33
Ադրբեջանի նախագահ Իլհամ Աիևի հրամանով Արցախում վերացվում են բոլոր հայերեն գրությունները։ Խորհրդարանում կազմակերպված «Բաքուն ոչնչացնում է Արցախի պատմամշակութային ժառանգությունը» թեմայով քննարկմանն այս մասին նշեց Արցախի թեմի թեմական խորհրդի ատենապետ Լեռնիկ Հովհաննիսյանը։
Նրա խոսքով՝ ադրբեջանցիներն Արցախում արդեն 5000 հուշարձան և 400 գերեզման են վնասել։
«Ադրբեջանի պետական մշակութային կայքերում Շուշիի Կանաչ ժամ եկեղեցին, որն արդեն իսպառ ոչնչացրել է Ադրբեջանը, ներկայացված է որպես «ադրբեջանական» Կուսանաց վանք։ 6 թանգարան և 8 արվեստի գործերի հավաքածու ենք կորցրել Շուշիիում, 4 թանգարանային հավաքածու՝ Հադրութի շրջանում։ Բռնի տեղահանության ժամանակ 14 թանգարանային հավաքածու ենք կորցրել»,- ներկայացրեց նա։
Նշենք, որ ընդդիմադիր խմբակցությունների պատգամավորների նախաձեռնած քննարկմանը մասնակցում են Արցախի խորհդարանի պատգամավորներ, կառավարության անդամներ, մշակույթի ներկայացուցիչներ, Արցախի թեմի առաջնորդը, ինչպես նաև ԵԱՀԿ Մինսկի խմբի անդամ երկրների դեսպաններն ու Հայաստանում ՄԱԿ-ի գրասենյակի ներկայացուցիչը:
Նախաձեռնող պատգամավորներից Թագուհի Թովմասյանը տեղեկացրեց, որ հրավիրել են նաև Կառավարության ներկայացուցիչների՝ ի դեմս ԱԳՆ-ի, ԿԳՄՍՆ-ի և Արդարադատության նախարարության, սակայն մերժել են մասնակցել քննարկմանը։
