23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Զելենսկին ՆԱՏՕ-ի երկրներին կոչ է արել զորքեր պատրաստել Ուկրաինա ուղարկելու համար
Քաղաքականություն
18.10.2024 | 13:09
Ուկրաինայի նախագահ Վլադիմիր Զելենսկին կոչ է արել դաշնակիցներին սկսել զորամիավորումներ պատրաստել, որոնք կարող են փոխարինել «հոգնած» ուկրաինական զորքերին մարտի դաշտում, գրում է strana.ua-ն։
«Մեր ուղերձը բոլոր երկրներին՝ պատրաստե՛ք բրիգադներ։ Դրանք կարող են լինել պահեստային և կարող են փոխարինել մեր հոգնած տղաներին, կարող են փոխարինել նրանց մարտի դաշտում»,- ասել է Զելենսկին ՆԱՏՕ-ի գլխավոր քարտուղար Մարկ Ռյուտեի հետ համատեղ ճեպազրույցում։
Ֆրանսիայի նախագահ Էմանուել Մակրոնն առաջինն էր, որն այս տարվա փետրվարին հայտարարել է Ուկրաինա ՆԱՏՕ-ի զորքեր ուղարկելու հնարավորության մասին։ Այնուամենայնիվ, Կիևի դաշնակիցների մեծ մասը, ներառյալ՝ ԱՄՆ-ը և Գերմանիան, հրապարակայնորեն մերժեցին այս գաղափարը: ՆԱՏՕ-ի նախկին գլխավոր քարտուղար Յենս Ստոլտենբերգը նույնպես բացառել է նման տարբերակը։
Միաժամանակ, ՆԱՏՕ-ի ռազմական կոմիտեի ղեկավար Ռոբ Բաուերն ընդգծել է, որ Ուկրաինա դաշինքի անդամ ցանկացած երկրի զորքեր ուղարկելու հարցը պետք է քննարկվի ամբողջ դաշինքի կողմից։
Թարգմանությունը՝ Տաթև Ֆռանգյանի
