21.02.2026 | 20:00
Ինչպես է Հայաստանն առաջին անգամ ստացել UWW-ի մրցաշար անցկացնելու հնարավորություն․ զրույց Վլադիմիր Հովհաննիսյանի հետ
ԱՄՆ-ը և Ֆիլիպինները զորավարժություններ են սկսել
Քաղաքականություն
15.10.2024 | 20:14
Միացյալ Նահանգները և Ֆիլիպինները հոկտեմբերի 15-ին սկսել են «Kamandag» (նաև հայտնի է որպես Venom) համատեղ ամենամյա զորավարժությունները։ Դրանք անցկացվում են Թայվանից մոտ 800 կիլոմետր հեռավորության վրա գտնվող Ֆիլիպինների գլխավոր Լուզոն կղզու հյուսիսային ափի պաշտպանությունը մշակելու համար: Այս մասին հայտնում է Rfi-ն։
Զորավարժություններին մասնակցում է շուրջ հազար մասնակից յուրաքանչյուր երկրից, նաև ավստրալացի, բրիտանացի, ճապոնացի և հարավկորեացի սակավաթիվ զինվորականներ։
Նշվում է, որ համատեղ զորավարժությունները տեղի են ունենում Հարավչինական ծովի խութերի ու ջրերի շուրջ Չինաստանի և Ֆիլիպինների միջև սրվող հակամարտության ֆոնին։ Ըստ Ֆիլիպինների ծովային հետևակի հրամանատար, գեներալ-մայոր Արտուրո Ռոխասի, «Kamandag» զորավարժությունները վաղուց էին պլանավորվել և «ոչ մի կապ չունեն այն ամենի հետ, ինչ տեղի է ունենում տարածաշրջանում»:
Թարգմանությունը՝ Տաթև Ֆռանգյանի
