14.10.2024 | 22:15
Ուսուցչի կալանքը պատճա՞ռ, թե՞ պատրվակ․ Ջոն Կիրակոսյանի անվան թիվ 20 դպրոցում տնօրենի ԺՊ է նշանակվել. ՏԵՍԱՆՅՈՒԹ
Թայվանի իշխանությունները Չինաստանի զորավարժությունների պատճառով արտակարգ խորհրդակցություն են հրավիրել
Քաղաքականություն
14.10.2024 | 16:50
Չինաստանի ղեկավարությունը պետք է դադարեցնի ռազմական սադրանքները, հայտարարել է Թայվանի վարչակազմի ներկայացուցիչ Գուո Յահուին ՉԺՀ-ի կողմից կղզու շուրջ մեկնարկած զորավարժություններից հետո։ Թայվանի իշխանությունները բարձր մակարդակով խորհրդակցություն են հրավիրել ազգային անվտանգության հարցերի շուրջ, փոխանցում է Կոմերսանտը։
Թայվանի Ազգային անվտանգության խորհրդի գլխավոր քարտուղար Ու Չժաոսեն հայտարարել է, որ կղզու վարչակազմը պատրաստ կլինի քայլեր ձեռնարկել, եթե զորավարժությունները ինչ-որ կերպ ազդեն Թայվանի տնտեսության և հասարակության վրա։
«Թայվանի զինված ուժերը պատշաճ կերպով կպատասխանեն Չինաստանի ռազմական սպառնալիքին», – ասել է Ու Չժաոսեն:
Գուո Յահուին ասել է, որ տարածաշրջանային խաղաղության և կայունության պահպանումը «Թայվանի նեղուցի երկու կողմերի ընդհանուր պատասխանատվությունն է»:
«Չինաստանը պետք է դադարեցնի ռազմական սադրանքները, որոնք խաթարում են տարածաշրջանում խաղաղության և կայունության ստատուս քվոն, սպառնում են Թայվանի ժողովրդավարական ազատությանը»,- նշել է կղզու վարչակազմի ներկայացուցիչը։
Թայվանի Պաշտպանության նախարարությունը հայտարարել է, որ կհետեւի կղզու շրջակայքում տիրող իրավիճակին ծովում և օդային տարածքում:
«Հետախուզությունն ու հետախուզական միջոցներն ուշադրությամբ վերահսկում են կոմունիստական հրթիռային ուժերի ստորաբաժանումների տեղաշարժերը, բոլոր ծայրամասային կղզիների կայազորներն անցել են ուժեղացված զգոնության ռեժիմի»,- ասվում է հայտարարության մեջ:
Հիշեցնենք, որ այսօր Չինաստանը զորավարժություններ է սկսել կղզու շրջակայքում, որի ընթացքում չինական բանակը մտադիր է կղզու շրջափակման և դրա հիմնական նավահանգիստներն ու տարածքները հսկողության տակ առնելու վարժանքներ անցկացնել։ Reuters-ի փոխանցմամբ՝ Չինաստանը կարող է նաև կիրառել միջազգային ծովային ուղիների շրջափակում։
Թարգմանությունը՝ Տաթև Ֆռանգյանի
