02.10.2026 | 16:01
Լուկաշենկոն Հայաստանին կոչ է արել մտածել՝ կկարողանա՞, արդյոք, ԵՄ-ում վաճառել իր կոնյակն ու մյուս արտադրանքը
Մարդկանց ավելի հեշտ է հավատալ անհեթեթությանը․ ապաքաղաքական զրույց Արսեն Թորոսյանի հետ․ ՏԵՍԱՆՅՈՒԹ
Հաղորդաշարեր
13.10.2024 | 21:00
Factor TV-ի A-politic հաղորդաշարի հյուրն է առողջապահության կազմակերպիչ, ԱԺ պատգամավոր Արսեն Թորոսյանը: Նրա կարծիքով՝ համավարակներ միշտ եղել են, կան նաև այս պահին, որովհետև վիրուսները մուտացիաների ենթարկվելու և միջավայրին հարմարվելու հատկություն ունեն: Պարզապես մարդկությունը, հատկապես վերջին երկու դարերի ընթացքում, գտնում է միջոցներ՝ դրանց դեմ պայքարելու: Որպես օրինակ՝ հաղորդման հյուրը բերում է ջրծաղիկի տարածումը:
Համավարակների ակտիվ փուլում անխուսափելի են ժողովրդավարության սահմանափակումները: Դրանց խստության չափը պայմանավորված է պետությունների մոտեցումներով: Ամեն կոնկրետ դեպքում գտնվում է բալանսը՝ մի կողմից հնարավորինս շատ մարդկային կյանքեր փրկելու, մյուս կողմից՝ մարդու իրավունքների, ինչպես նաև տնտեսությունն աշխատեցնելու միջև:
Արսեն Թորոսյանը վստահ է, որ հակապատվաստումային շարժումներն աշխարհում պարունակում են լուրջ նյութական բաղադրիչ: Դրանցից մեկը հոմեոպատիան է, որն ունի միլիարդավոր դոլարների շրջանառություն: Այդ շարժումները համավարակների սուր պահին շահագործում են մարդկանց տգիտությունը, իսկ համեմատաբար կայուն վիճակում պատվաստումներն ընթանում են քիչ թե շատ բնականոն ձևով:
Մանրամասները՝ տեսանյութում:
Արամ Աբրահամյան
