08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
Ժնևում ներկայացվել է ՀՀ-ում քաղաքաշինության բարեփոխումների ընթացքը
Քաղաքականություն
12.10.2024 | 15:41
Քաղաքաշինության կոմիտեի նախագահի տեղակալ Նունե Պետրոսյանը Շվեյցարիայի Ժնև քաղաքում մասնակցել է Միավորված ազգերի կազմակերպության Եվրոպական տնտեսական հանձնաժողովի (ԵՏՀ) քաղաքաշինության, բնակարանային տնտեսության և հողային ռեսուրսների կառավարման կոմիտեի 85-րդ նստաշրջանին․ հայտնում են Կոմիտեից։
Նա ներկայացրել է Հայաստանում քաղաքաշինության, ճարտարապետության և բնակարանաշինության բնագավառներում իրականացվող աշխատանքները, ոլորտային բարեփոխումների ընթացքը և հետագա քայլերը։
Նստաշրջանի ընթացքում քննարկվել է «ՀՀ քաղաքաշինության, բնակարանային տնտեսության և հողային ռեսուրսների կառավարման վերաբերյալ երկրի նկարագիր» փաստաթուղթը։ Համաձայնություն է ձեռք բերվել շարունակել աշխատանքները փաստաթղթի վերջնականացման և հրապարակման նպատակով։
Նստաշրջանին մասնակցել է նաև Քաղաքաշինության կոմիտեի միջազգային համագործակցության և կառուցապատման ներդրումային ծրագրերի վարչության պետ Էրիկ Հովսեփյանը, ով ընտրվել է ՄԱԿ-ի ԵՏՀ-ի քաղաքաշինության, բնակարանային տնտեսության և հողային ռեսուրսների կառավարման կոմիտեի բյուրոյի անդամ։ Բյուրոյի անդամությունը կապահովի առավել մեծ ներգրավվածություն ԵՏՀ-ի կողմից իրականացվող ոլորտային ծրագրերում, կնպաստի անդամ պետությունների հետ համագործակցության ընդլայնմանը, Հայաստանում իրականացվող քաղաքաշինական ծրագրերի, ներդրումային հնարավորությունների ներկայացմանը։
