02.10.2026 | 16:01
Լուկաշենկոն Հայաստանին կոչ է արել մտածել՝ կկարողանա՞, արդյոք, ԵՄ-ում վաճառել իր կոնյակն ու մյուս արտադրանքը
ԲԱՆԱՎԵՃ․ Արցախը Հայաստան չէ, և վե՞րջ․ ՍԴ-ի որոշումը՝ Սահմանադրություն փոխելու Ալիևի պահանջների ֆոնին․ ՏԵՍԱՆՅՈՒԹ
Քաղաքականություն
11.10.2024 | 20:00
ՀՀ Սահմանադրական դատարանը որոշել է, որ Հայաստանի և Ադրբեջանի միջև համաձայնեցված սահմանազատման կանոնակարգը չի հակասում ՀՀ-ի Սահմանադրությանը։ Սահմանադրական դատարանի դատավորները քննության էին առել նաև Սահմանադրության մեջ Անկախության հռչակագրին հղման հարցը։ Այս թեման առաջ եկավ, երբ Ադրբեջանը Հայաստանի հետ խաղաղության պայմանագիր կնքելու պայման առաջադրեց Սահմանադրության փոփոխման հարցը։ Բաքուն Հայաստանի Սահմանադրության մեջ տարածքային պահանջ է տեսել իր նկատմամբ։
Արդյո՞ք Հայաստանը իրավական իմաստով, ըստ Սահմանադրության, ընդունում է, որ 90-ականներին Լեռնային Ղարաբաղը վերամիավորել է իրեն։ ՍԴ դատավորների պատասխանն այս հարցին «Ոչ» է։ Եթե շատ կարճ, ապա ՍԴ-ն, ըստ էության որոշեց, որ Անկախության հռչակագրի՝ Սահմանադրության մեջ չներառված դրույթները չունեն իրավական ուժ, ինչը վերաբերում է նաև ՀՀ-ի և ԼՂ-ի վերամիավորման որոշումներին։
Ի՞նչ է նշանակում ՍԴ-ի որոշումը իրավական և քաղաքական իմաստներով, և արդյո՞ք Ադրբեջանը փարատված կհամարի այն մտահոգությունը, թե,իբր, ՀՀ-ն իր Սահմանադրության մեջ տարածքային պահանջ է ձևակերպել Ադրբեջանի հանդեպ։
Factor TV-ի տաղավարում հրավիրված քննարկմանը մասնակցում են Գևորգ Դավթյանը՝ փաստաբան, Անի Սամսոնյանը՝ քաղաքական գործիչ, Անդրիաս Ղուկասյանը՝ Հայ կառուցողական կուսակցության ղեկավար, քաղաքագետ, Էդգար Առաքելյանը՝ «Ազատ Հայաստան» նախաձեռնության հիմնադիր, քաղաքագետ, Գարեգին Միսկարյանը՝ «Ժողովրդավարական հարթակ» հիմնադրամի տնօրեն։
