15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Փորձել են խափանել Վիկտոր Օրբանի ասուլիսը Եվրախորհրդարանում․ ՏԵՍԱՆՅՈՒԹ
Քաղաքականություն
09.10.2024 | 17:01
Հունգարիայի ընդդիմադիր «Ժողովրդավարական կոալիցիա» կուսակցության ակտիվիստ Մարտոն Դեկիցկին փորձել է խափանել Հունգարիայի վարչապետ Վիկտոր Օրբանի մամուլի ասուլիսը, որը տեղի է ունեցել Եվրախորհրդարանում, փոխանցում է «Взгляд»-ը։
Միջադեպը տեղի է ունեցել Ստրասբուրգում, երբ Դեկիցկին վազել է դեպի Օրբանը՝ նրան մեղադրելով «Հունգարիային ու Եվրամիությանը դավաճանելու» և Մոսկվայի ու Պեկինի համար աշխատելու մեջ։ Անվտանգության աշխատակիցը բռնել է տղամարդուն և դուրս բերել դահլիճից։
Ըստ Magyar Nemzet թերթի՝ Դեկիցկին «Ժողովրդավարական կոալիցիա» երիտասարդական կազմակերպության անդամ է։ Նա Եվրախորհրդարանի շենք մուտքի թույլտվություն է ստացել Եվրախորհրդարանի պատգամավոր Կլարա Դոբրևից։
Հունգարիայի նախկին վարչապետ Ֆերենց Գյուրչանին աջակցություն է հայտնել Դեկիցկիի գործողություններին՝ ասելով, որ «հպարտ» է նրա արարքով:
Վիկտոր Օրբանն իր հերթին հումորով է արձագանքել ասուլիսը խափանելու փորձին՝ նշելով, որ «ինքն իրեն զգում է ինչպես տանը, որտեղ ամեն օր դա տեղի է ունենում»։ Միջադեպից հետո ասուլիսը շարունակվել է։
Թարգմանությունը՝ Տաթև Ֆռանգյանի
