30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՌԴ ԱԴԾ ղեկավարը պատերազմով է սպառնացել Մոլդովային և Բալթյան երկրներին
Քաղաքականություն
04.10.2024 | 17:33
Ուկրաինան և նրա արևմտյան դաշնակիցները ցանկանում են պատերազմի մեջ ներքաշել Բալթյան երկրներին, Բելառուսին և Լեհաստանին, հայտարարել է ՌԴ ԱԴԾ տնօրեն Ալեքսանդր Բորտնիկովը ԱՊՀ անվտանգության և հետախուզական գերատեսչությունների ղեկավարների խորհրդի նիստում, փոխանցում է BBC-ի ռուսական ծառայությունը։
«Ուկրաինական ուժերի կենտրոնացումը հանրապետության սահմանի մոտ, երկրի օդային տարածքում բազմաթիվ միջադեպերը ուկրաինական անօդաչու թռչող սարքերի հետ կապված, Բելառուսի քաղաքացիների հավաքագրումը Ուկրաինայի զինված ուժերի տարբեր ազգայնական կազմավորումներում և ուկրաինական հատուկ ծառայությունների դիվերսիոն աշխատանքի ակտիվացումը Բելառուսի դեմ, բոլորը նույն նպատակն են հետապնդում՝ հակամարտության սրում, որի մեջ ներքաշվելու են Բալթյան երկրներն ու Լեհաստանը»,- Բորտնիկովի խոսքերն է մեջբերում ՏԱՍՍ-ը։
Նրա խոսքով՝ Եվրամիությունը և ՆԱՏՕ-ն մեծացնում են ճնշումը Մոլդովայի վրա՝ Քիշնևին Ռուսաստանի հետ բացահայտ առճակատման ստիպելու համար։ Նա հավելել է, որ արևմտյան երկրները ֆինանսական օգնությունն ու եվրաինտեգրման հեռանկարները կապում են Մերձդնեստրի հարցի լուծման և Մոլդովայի տարածքը Կիևին ռազմական մատակարարումների նյութատեխնիկական ապահովման մեջ ներառելու հետ։
«Հուսով ենք, որ Մոլդովայի ներկայիս ղեկավարությունը կցուցաբերի ողջախոհություն և չի փոխի երկրի ինքնիշխանությունն ու անվտանգությունը կարճաժամկետ քաղաքական օգուտների հետ», – ասել է ՌԴ ԱԴԾ տնօրենը:
Թարգմանությունը՝ Տաթև Ֆռանգյանի
