06.12.2025 | 22:41
Պետք է շարունակենք մեր ծառայությունը բերել մեր ժողովրդին. Գարեգին Բ-ն` Փաշինյանի քայլերի մասին. ՏԵՍԱՆՅՈՒԹ
Ղազախստանում մեկնարկել են ՀԱՊԿ խաղաղապահ ուժերի զորավարժությունները. ՀՀ-ն չի մասնակցում
Քաղաքականություն
01.10.2024 | 16:09
Ղազախստանում մեկնարկել է «Անխորտակելի եղբայրություն-2024» խաղաղապահ զորավարժությունների ակտիվ փուլը՝ Ալմա-Աթայի շրջանի Բերեգ ուսումնամարզական հավաքակայանում, հայտնում է ՏԱՍՍ-ը։ Հոկտեմբերի 1-5-ը կմշակվեն ՀԱՊԿ հավաքական խաղաղապահ ուժերի կողմից խաղաղապահ գործողության նախապատրաստման և անցկացման հարցեր։
Հրամանատարաշտաբային զորավարժություններին մասնակցում են Բելառուսի, Ղազախստանի, Ղրղզստանի, Ռուսաստանի և Տաջիկստանի զորակազմերը։ Հայաստանն այս վարժանքներին նույնպես չի մասնակցում։
«Իրադրությունն աշխարհում շարունակում է մնալ անհանգիստ, և մենք պետք է պատրաստ լինենք տարբեր մարտահրավերների և սպառնալիքների, որոնք հրատապ են ոչ միայն մեր երկրների, այլև ամբողջ համաշխարհային հանրության համար»,- զորավարժությունների ակտիվ փուլի բացման արարողության ժամանակ ընդգծել է Ղազախստանի զինված ուժերի Գլխավոր շտաբի պետ, պաշտպանության նախարարի առաջին տեղակալ Սուլթան Կամալետդինովը:
Թարգմանությունը՝ Տաթև Ֆռանգյանի
