30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ալիևը կրկին հայտարարել է, որ Ադրբեջանի առաջնահերթությունը ռազմական ներուժի ամրապնդումն է
Քաղաքականություն
26.09.2024 | 19:49
Ադրբեջանի նախագահ Իլհամ Ալիևն այսօր տնտեսական հարցերին առնչվող խորհրդակցություն է անցկացրել, որի ժամանակ ունեցած ելույթում կրկին երկրի առաջնահերթությունն է անվանել ռազմական հզորության ավելացումը, գրում են ադրբեջանական լրատվամիջոցները։
«Հիմնական ծախսերը հաջորդ տարվա համար արդեն որոշվել են։ Միլլի Մեջլիսում իմ ելույթում հստակ ուրվագծել եմ հիմնական առաջնահերթությունները։ Դա առաջին հերթին մեր երկրի ռազմական ներուժի ամրապնդումն է, անվտանգության ապահովումը, պետական սահմանների պաշտպանությունը, ռազմարդյունաբերական համալիրի զարգացումը, կրթության վրա ծախսերը, Ղարաբաղի ու Արևելյան Զանգեզուրի վերականգնումը, այլ ծրագրեր»,- հայտարարել է Ալիևը։
Հիշեցնենք, որ օրերս 7-րդ գումարման Միլլի Մեջլիսի առաջին նիստում Ալիևը խոսել էր երկրի առջև ծառացած խնդիրների մասին։
«Թիվ մեկ խնդիրը մեր ռազմական հզորության ավելացումն է։ Չնայած Ղարաբաղյան երկրորդ պատերազմն ու հակաահաբեկչական գործողությունը մնացել են անցյալում, ինչպես աշխարհում տեղի ունեցող գործընթացները, հակամարտությունների, պատերազմների նոր օջախների ի հայտ գալն ու մեր շուրջը լարվածության աճը, այնպես էլ Հայաստանում ռևանշիստական միտումները մեզ ստիպում են մշտապես ուշադրություն դարձնել այս ոլորտին»,- հայտարարել էր Ադրբեջանի նախագահը։
Թարգմանությունը՝ Էմմա Չոբանյանի
