07.10.2026 | 23:48
Արթուր Դանիելյանը կալանավորվեց
«Գազպրոմ Արմենիան» վաճառքի է հանել Marriott Tsaghkadzor հյուրանոցը
Տնտեսություն
24.09.2024 | 20:42
«Գազպրոմ Արմենիան» աճուրդի է հանել Ծաղկաձորի «Մարիոթ» հյուրանոցային համալիրը։ Այս մասին տեղեկանում ենք «Ազդարար»-ում տեղադրված հայտարարությունից։
Հյուրանոցային համալիրն իր մեջ ներառում է 4 հողամաս, 6 մասնաշենք և 7 քոթեջ։ Համալիրը վաճառվում է ողջ գույքով ու տեխնիկայով միասին։ Աճուրդը տեղի կուենա սեպտեմբերի 27-ին։ Մեկնարկային գինը 10 մլրդ 174 մլն ՀՀ դրամ է։
«Հյուրանոցն ունի հինգ աստղանի կարգավիճակ և միակ նմանատիպ հյուրանոցն է հանգստավայրում, որը կառավարվում է խոշոր միջազգային ցանցի՝ Marriott-ի կողմից: «Մարիոթ Ծաղկաձոր» հյուրանոցի կառավարման համար Ընկերությունը 07/03/2012թ.-ի Գույքի կառավարման պայմանագիր է կնքել MARRIOTT HOTELS INTERNATIONAL B.V.-ի հետ (այսուհետ՝ Համաձայնագիր): Համաձայնագրի պատճենը տրամադրվում է Ընկերության կողմից՝ Գույքի ձեռքբերման մեջ շահագրգիռ անձանց գրավոր պահանջով:
Հյուրանոցն իր հյուրերին առաջարկում է սպա համալիր, լողավազան, Brasserie բարձրագույն խոհանոցով ռեստորան և երեք բար: 2,5 հա ընդհանուր մակերեսով հյուրանոցի տարածքում կան թենիսի կորտեր և սպորտային հրապարակներ։ Գործուղումների և խոշոր միջոցառումների համար հյուրանոցը տրամադրում է 320 նստատեղ ունեցող կոնֆերանս դահլիճ: Հյուրանոցում կա անվճար կայանատեղի։ Սենյակների չափերը 23-ից 121 մ2 են, և բոլորը համապատասխանում են հարդարման և սպասարկման միջազգային պահանջներին։
Հյուրանոցն իր հյուրերին առաջարկում է սպա համալիր, լողավազան, Brasserie բարձրագույն խոհանոցով ռեստորան և երեք բար: 2,5 հա ընդհանուր մակերեսով հյուրանոցի տարածքում կան թենիսի կորտեր և սպորտային հրապարակներ։ Գործուղումների և խոշոր միջոցառումների համար հյուրանոցը տրամադրում է 320 նստատեղ ունեցող կոնֆերանս դահլիճ: Հյուրանոցում կա անվճար կայանատեղի։ Սենյակների չափերը 23-ից 121 մ2 են, և բոլորը համապատասխանում են հարդարման և սպասարկման միջազգային պահանջներին։
Գույքը ներառում է հյուրանոցային և հանգստի ու ժամանցի համար նախատեսված անշարժ գույքը, ինչպես նաև սարքավորումներ, կահույք և գույքացանկ, որոնք անհրաժեշտ են դրանց անմիջական գործունեության համար՝ համաձայն սույն հրապարակային ծանուցման N 1 և N 2 հավելվածների»,- նշված է հայտարարության մեջ։
Հյուրանոցային համալիրի կառուցման ծրագիրը մեկնարկել էր 2009 թվականի հունիսին և ավարտվել է 2012 թվականի դեկտեմբերին: Ներդրումների ծավալը կազմել է 32 մլն ԱՄՆ դոլար և իրականացվել է վարկային միջոցներով:
Անժելա Պողոսյան
