06.06.2026 | 14:11
Հայ շախմատիստների վերջնական արդյունքները կանանց ԵԱ-ում
Հ1-ն արձագանքել է TikTok-ի կողմից որպես ՀՀ կառավարության վերահսկողության տակ գտնվող մեդիա դասակարգվելուն
22.09.2024 | 12:10
Հանրային հեռուստաընկերությունից պարզաբանել են TikTok-ի կողմից լրատվամիջոցի էջը ՀՀ կառավարության կողմից վերահսկվող ԶԼՄ-ների շարքում ընդգրկելու թեմային։
Հիշեցնենք` Factor.am-ը երեկ հղում անելով Առաջին ալիքի էջին գրել էր, որ TikTok-ը այն համարում է պետության կողմից վերահսկվող, ինչպես օրինակ ռուսական լրատվամիջոցների դեպքում է։
«Աշխարհի տարբեր երկրներում երբեմն Հանրային հեռարձակողները բախվում են այդ խնդրին, այս հարցը ժամանակին քննարկվել է նաև Եվրոպական հեռարձակողների միությունում: TikTok-ն այս դեպքում առաջնորդվում է սեփական ալգորիթմերով, որոնց վրա հեռարձակողները չեն կարող ազդեցություն ունենալ: Միևնույն ժամանակ հայտնում ենք, որ Հանրայինն այս հարթակում ներկայացնում է միայն ժամանցային կոնտենտ` նպատակ ունենալով հեռուստաարտադրանքը հասանելի դարձնել առավել երիտասարդ լսարանի շրջանում»,- պարզաբանել են Հանրային հեռուստաընկերությունից։
