15.12.2025 | 19:13
Լուվրը ժամանակավորապես փակ է․ աշխատակիցները գործադուլ են սկսել
Իրանցի հաքերները Թրամփի շտաբից գողացված տեղեկությունները ուղարկել են Բայդենի շտաբ․ ՀԴԲ
Քաղաքականություն
19.09.2024 | 10:55
Իրանցի հաքերները Դոնալդ Թրամփի նախընտրական շտաբից տեղեկություններ են գողացել և դրանք ուղարկել Ջո Բայդենի նախընտրական շտաբ։ Այս մասին չորեքշաբթի օրը հայտնել են ՀԴԲ-ն և ԱՄՆ հետախուզական ծառայությունները, փոխանցում է BBC-ի ռուսական ծառայությունը։
«Հաքերները կամավոր նամակներ են ուղարկել նախագահ Բայդենի նախընտրական շտաբի հետ առնչություն ունեցող անձանց, դրանք պարունակում էին նախկին նախագահ Թրամփի քարոզարշավից գողացված, ոչ հրապարակային նյութերի հատվածներ», – ասվում է ՀԴԲ-ի, ԱՄՆ-ի Ազգային հետախուզության տնօրենի գրասենյակի և ԱՄՆ-ի կիբերանվտանգության և ենթակառուցվածքների անվտանգության վարչության համատեղ հայտարարության մեջ:
Հետախուզական գործակալություններին հասանելի տեղեկատվության համաձայն՝ Բայդենի շտաբից ոչ ոք չի պատասխանել այդ նամակներին։ Այս ամենը տեղի է ունեցել այս տարվա հունիսին և հուլիսին, մինչ այն պահը, երբ Բայդենը հանեց էր իր թեկնածությունը և նրան փոխարինեց Քամալա Հարիսը։
Հայտարարության մեջ ասվում է նաև, որ հունիսից իրանցիներն ամերիկյան մամուլին են ուղարկել Թրամփի քարոզարշավից գողացված տեղեկատվությունը։
Թարգմանությունը՝ Տաթև Ֆռանգյանի
