19.09.2024 | 23:29
ԵԽ Նախարարների կոմիտեն Թուրքիայի կողմից ստանձնած պարտավորությունները չկատարելու վեց դեպք կքննարկի
Կառավարությունը կփոխհատուցի Տավուշում և Լոռիում հեղեղումների հետևանքով վնասված տրանսպորտային միջոցների սեփականատերերին
19.09.2024 | 10:31
Հանրապետական հանձնաժողովն ամփոփել է արտակարգ իրավիճակների հետևանքով ֆիզիկական անձանց տրանսպորտային միջոցներին պատճառված վնասները։
Տավուշի մարզպետի աշխատակազմին անհրաժեշտություն է առաջացել փոխհատուցել 31 240000 դրամ թվով 30 տրանսպորտային միջոցի համար, իսկ Լոռու մարզպետի աշխատակազմին 91 139 000 դրամ 161 տրանսպորտային միջոցի համար։ Հեղեղումների պատճառով վնաս կրածներին փոխհատուցում տրամադրելու հարցն ընդգրկված է Կառավարության այսօրվա նիստի չզեկուցվող հարցերի շարրքում։
Այսպիսով, կառավարությունն առաջարկում է տարածքային կառավարման և ենթակառուցվածքների նախարարության «1212 Տարածքային զարգացում» ծրագրի «12032 ՀՀ Լոռու և Տավուշի մարզերում հեղեղումների պատճառով տուժած ընտանիքներին ֆինանսական աջակցություն» միջոցառման «4729․այլ նպաստներ բյուջեից» հոդվածին և բյուջեի պահուստային ֆոնդից հատկացնել 122 380 000 դրամ։
Նախագծի ընդունմամբ ակնկալվում է ապահովել Լոռու և Տավուշի մարզերում մայիսի 25-26-ը տեղացած հորդառատ անձրևներով պայմանավորված հեղեղումների պատճառով առաջացած արտակարգ իրավիճակների հետևանքով ֆիզիկական անձանց պատճառված առաջնային, կենսական նշանակության վնասի փոխհատուցումը։
