22.11.2024 | 21:14
Ժաննա Անդրեասյանը հայ պարարվեստի մեծ երախտավոր Նորայր Մեհրաբյանին պարգևատրել է ԿԳՄՍՆ մեդալով
60 գլուխ խոզ է սատկել, ՍԱՏՄ-ն գրել է՝ 30․ ֆերմեր․ ՏԵՍԱՆՅՈՒԹ
Հասարակություն
18.09.2024 | 15:08
Այս տարվա փետրվարին անկած խոզերի դիմաց Կոտայքի մարզի Կամարիս բնակավայրի ֆերմերներն աջակցություն կստանան։ Այսօր Էկոնոմիկայի նախարարության շենքի դիմաց բողոքի ակցիա իրականացնող ֆերմերներին ընդունել է փոխնախարար Տաթևիկ Սարգսյանը։
«Փոխնախարարը մեզ հայտնեց, որ աջակցության փաթեթն արդեն կառավարության նիստերի օրակարգում է․ հաջորդ շաբաթ նիստում այն կընդունվի և խոստացել են՝ մեզ աջակցություն կտրամադրեն»,- լրագրողների հետ զրույցում հանդիպումից մանրամասնեց ֆերմեր Արարատ Դանիելյանը։
Ավելի վաղ ֆերմերները Factor.am-ին հայտնել էին, որ 7 ամիս է՝ անկած խոզերի դիմաց աջակցություն չեն ստացել։
Ֆերմերների փոխանցմամբ՝ Էկոնոմիկայի նախարարությունից իրենց սկզբում ասել են` անկած խոզերի դիմաց աջակցությունը կտրամադրվի վնասի 75 %-ի չափով, հետո հայտնել են` 55-ի չափով, բայց մինչ օրս գումար չեն տվել։
Ըստ ֆերմերների՝ իրենց նաև ասել են, որ վարկերը կսառեցնեն, սակայն, կառավարությունն այդ քայլին էլ մինչև օրս չի գնացել։
Հիշեցնենք՝ փետրվարին Կամարիսի մի քանի ֆերմերներ ահազանգել էին, որ իրենց խոզերը վարակվել են աֆրիկյան ժանտախտով և սատկել։
Մանրամասները՝ տեսանյութում։
7 ամիս է՝ անկած խոզերի դիմաց ֆերմերներն աջակցություն չեն ստացել, բողոքի ակցիայի են պատրաստվում
