21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Թուրքական բանկերը սկսել են արգելափակել ՌԴ-ից Եվրոպա վճարումները
Քաղաքականություն
18.09.2024 | 14:16
Թուրքական բանկերը սկսել են զանգվածաբար մերժել ռուսական ընկերություններին՝ վճարումներ կատարել Եվրոպա, «Վեդոմոստի»-ին հայտնել են ներկրողներից և միջնորդներից երեք աղբյուրներ։
Նրանց խոսքով՝ վերջին անգամ նման իրավիճակ նկատվել էր տարեսկզբին, երբ թուրքական բանկերը, ինչպես մյուս «բարեկամական» երկրների ֆինանսական կազմակերպությունները, սկսել են վախենալ ռուսական ընկերությունների հետ աշխատելու համար ԱՄՆ երկրորդական պատժամիջոցներից։ Սակայն գործարքներն աստիճանաբար վերսկսվել էին։
Ամռանը կրկին խնդիրներ են առաջացել Թուրքիայի տարածքով տարանցիկ վճարումների հետ կապված։ Եվրոպական բանկերը ժամանակ առ ժամանակ սկսել են հրաժարվել հօգուտ ռուսական բիզնես մատակարարների ապրանքների համար թուրքական վճարումներից, ասել է ներկրողներից մեկը։
Պարբերականի մեկ այլ զրուցակից նույնպես հաստատել է այս տեղեկությունը։ Թուրքիայի միջոցով ապրանքների դիմաց վճարում կատարելիս Բուլղարիայից մատակարարը խնդրել է գումար փոխանցել «նորմալ» երկրի միջոցով։
Եվրոպական վարկային հաստատությունների կողմից խստացումը հանգեցրել է նրան, որ սեպտեմբերի սկզբին թուրքական բանկերն իրենք են սկսել հրաժարվել տարանցիկ վճարումներ կատարելուց։
Թարգմանությունը՝ Տաթև Ֆռանգյանի
