11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Meta-ն հայտարարել է իր հարթակներում RT-ի և «Россия сегодня»-ի արգելափակման մասին
Քաղաքականություն
17.09.2024 | 12:57
Meta ընկերությունը, որին պատկանում են Facebook-ը, Instagram-ը և WhatsApp-ը, որոշել է արգելափակել ռուսական պետական լրատվամիջոցների՝ RT-ի և «Россия сегодня» հոլդինգի օգտահաշիվներն իր հարթակներում, գրում է Meduza-ն։
«Մանրամասն դիտարկումից հետո մենք որոշել են ընդլայնել մեր սահմանափակող միջոցները ռուսական պետական ԶԼՄ-ների նկատմամբ։ «Россия сегодня»-ի, RT-ի և նրանց հետ կապված այլ կազմակերպությունների արգելված է օգտագործել մեր հարթակներն ամբողջ աշխարհում՝ արտասահմանում միջամտությունների փորձի համար»,- ասվում է ընկերության հաղորդագրության մեջ։
The Guardian-ն էլ նշում է, որ արգելափակումն ամբողջությամբ պետք է գործարկվի մի քանի օրվա ընթացքում։
Հիշեցնենք, որ ավելի վաղ ԱՄՆ-ը պատժամիջոցներ էր սահմանել Ռուսաստանի կառավարության կողմից ֆինանսավորվող Russia Today (RT) միջազգային հեռուստաալիքների ցանցի և դրա մի շարք բարձրաստիճան աշխատակիցների, այդ թվում՝ գլխավոր խմբագիր Մարգարիտա Սիմոնյանի նկատմամբ։
Ուկրաինա ռուսական լայնածավալ ներխուժման սկզբից Meta-ն սահմանափակել է ռուսական պետական լրատվամիջոցների մուտքը, այդ թվում՝ արգելելով դրանց գովազդն իր հարթակներում:
